الموضوع: طرمبه بنزين اوبترا

إلى خبراء الاوبترإ عندي الطرمبه بتزن بس الزنه مش عاليه سألت قالوا ممكن تمشي بيها شويه ولما تيجي تغيرهابغير الماتور بس وسعره الكوري بس مش أصلي لأنه مفيش 200 وبالذات ان الطرمبه سعرها بالوكيل 1400
الكلام ده صح ولا في مشاكل من تغير الماتور في نوع ماتور كويس
ولا لالزم تغير الطرمبه لوحده أصليه

ده موتور الطلمبه بيجيب اخره
حرام تغير الطلمبه
غير القلب بس
اللى موجود في السوق بيقضي غرض
يعني بيقعد سنه

الطلمبه بتاع البنزين عباره عن 3 اجزاء
اول جزء ده قلب الطلمبه اللى هو الموتور الكهرباء اللى بيبسحب البنزين ويضخه على الفلتر
الجزء الثاني ده عوامه البنزين اللى واصله بمؤشر البنزين وبتحدد لك كميه البنزين في التانك
ثالث جزء ده وش الطلمبه وده بيكون راكب فيه كابل الكهرباء اللى بيغذي الموتور وكابل الكهرباء اللى بيغذي العوامه وبيكون راكب فيه سكس فالف (صمام عدم رجوع ) وبيكون فيه خرطوم الفايس

التلات اجزاء دول مع بعض هما الطلمبه

غير القلب بس ارخص بكتير خاصة ان الباقي كله سليم فحرام
عموما هتعرف ان القلب خلاص انتهى لما تحاول تشد بالعربيه هتلاقيها بتنتش وهتلاقيها مش بتجيب سرعات كبيره اخرها 120 -140 بالكتير

طول ما هو شغال خليه يزن لما يجيب اخره