تحذير من التعامل مع شمس ستايل فى الشاطبى بالاسكندريه

**engmoon** · 12-10-2015 09:51 PM

بسم الله الرحمن الرحيم

انا اول مره اكتب موضوع هنا وده للتحذير علشان اصحابى واخواتى يخدوا بالهم من التعامل مع محل شمس ستايل اللى شارع بورسعيد بالشاطبى بالاسكندريه... باع لى كاسيت بونير يشغل دى فى دى وشاشه روتيشن 7 بوصه على اساس انه اصلى ودلوقتى بعد مرور سنه لاقيته مش شغال... رحت علشان اصلحه الاقى البورده صينى والتاتش بتاعه بايظ والفلاته بايظه وثمن تصليحهم 700... حسبى الله ونعم الوكيل .. برجاء الانتباه من التعامل معاه وشكرا

برجاء تثبيت الموضوع للاهميه

**lamada** · 13-10-2015 10:40 AM

ما هو ممكن يبقى اصلى و البوردة صينى

**body7733** · 13-10-2015 11:55 AM

السلام عليكم ورحمة الله وبركاته
اولا أنا مش من اسكندريه ولا حتى اعرف المحل اللى حضرتك بتتكلم عنه بس انا هقول شهاده لله عشان انا شوفت الكاسيتات البايونير دى بعينى وكنت هركب عندى منهم وللسبب ده لاغيت فكرة تركيب اة واحد منهم لان ال dvd معظمه اللى فى مصر صينى
او اكثر من 90 % من الموجود فى مصر بيكون صينى بس اصلى مش مضروب الا لو انت شارى من مكان مش موثوق فيه
لكن اكثر من 90 % من اللى بينزل مصر بيبقى صينى توكيل مش تايلاندى ولا فيتنامى
وممكن تسأل فى التوكيلات والموزعين المعتمدين لبايونير

**كريم الساحر** · 24-11-2016 04:08 PM

بسم الله الرحمن الرحيم

﴿ يَا أَيُّهَا الَّذِينَ آَمَنُوا إِنْ جَاءَكُمْ فَاسِقٌ بِنَبَأٍ فَتَبَيَّنُوا أَنْ تُصِيبُوا قَوْمًا بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ (6) ﴾

يا أخي الفاضل بناءاً على ايه كلامك ده ايه الدليل ولا هو اي كلام وخلاص .
عموما انا مدير معارض شمس ستايل وحضرتك لو صاحب حق اكيد كنت رجعت للمعرض اللي انت شاري منه وقبل ما ترمي الناس بالباطل .
انت بتتكلم عن مكان محترم وليه إسمة ومكانته في السوق .
وكمان لو انت فاهم صح ضمان الاجهزة سنة من تاريخ الشراء وكمان مجتش ليه للوكيل اللي انت شاري منه عشان تصلح الجهاز اللي واضح انك كنت بتستخدمة إستخادم سئ انت بتقول تاتش وفلاته وشاشة بايظين بعد سنة من الإستخدام ما ده أكيد سوء إستخدام وإلا كانت البوردة الصيني اللي انت بتقول عليها هي اللي بايظة .
عموما المعرض لسة في مكانة زي ما هو ولو ليك حق تقدر تشرفنا في المعرض واكيد لو صاحب حق حتاخدة .
السلام عليكم ورحمة الله وبركاتة .