الموتور من غير بوابة ولااى حاجة يعمل 2500 جنية واسمة شورت بلوك يعنى موتور فقط من غير حساسات او مكوناتة لا بوابة ولا دينامو ولا كمبروسور ومبينة والحساسات والمتعلقات بتتاعتة
الشورت بلوك معاه وش السلندر على ما اعتقد
لاني كنت شاريه للهوندا بوش السلندر
حبايبى أنتو أثارتونى علشان أتدخل ووضحلكم كلام مهم جدا وعلمى ومتخصص
أولا أنا أشجع كل الناس أنهم يركبوا الدايو من اللانوس حتى الليجانزا لأن الدايو هى أول فئة السيارات المحترمة بالامكانيات الضرورية ( أوتوماتك تكييف باور ------ ) وكمان قطع غيار رخيصة زى الفيات
ثانيا هناك 4 أو 5 شركات لتصنيع الفتايس على مستوى العالم ويتم توريده لماركات مختلفة كتير لدرج أن نفس الفتيس بيركب فى عربيات مختلفة وموديلات مختلفة كثير جدا
ثالثا على العموم الفتيس الاوتوماتك الواير أفضل كتير من أى فتيس كهربا وذلك لوجود حساسات وبلوف كهربا وكنترول وارتباطه بحساسات أخرى بالماكينة
رابعا الاوتوماتك نوبيرا وكل الدايو لأن أى فتيس دايو عادة أة أوتوماتك بيركبو على بعض ميكانيكيا وده فيه نوعين
واحد اسمه 4t40 وده كهربا تصنيع gm
والثانى zf4hp14 وده واير وفيه موديلات بعده zf4hp!16 + 18 +20 +22 ودل منهم كهربا تصنيع شركة zf أفضل الشركات العملاقة فى توريد الفتايس لكل من بيجو وbm وجاجور ستروين وفيات وشيفروليه وفولفو وساب وطبعا الدايو وكثير بل وموديلات كثيرة مختلفة لنفس الماركة
وأقولكم على سر أنا مشتريش دايوا الا بعد ما نزلت كتالوجها وعرفت أنها شركة محترمة لأنها تستخدم هذا الفتيس اللى ركبته فى بعض موديلات النوبيرا والليجانزا لأن الفتيس ده بيركب فى كل العربيات الفخمة السابق ذكرها
وكمان بتاع شغل وبتنساه ( الواير طبعا مش الكهربا )
ولا يخفى علينا مستوى الميكانيكى اللى شغال بالبركة وممكن يلففك حولين نفسك وتجيبله فتايس والمشكلة تكون فى حساس بره الفتيس أو الكونترول بتاعه
وأنا أنصح كل أحبتى دوما بتركيب كولر خارجى مش مع الردياتير لأن لو حصل وتسربت المياه بتخرب الفتيس والمكنة
وسامحونى على الاطاله