الموضوع: اعمل ايه؟ معايا صوره الحرامي ومش عارف اجيبه؟

ههههههههههههه ياحضرات احنا في دوله مبتقدرش قيمه البني ادم نفسه
دا انا وانا بعمل محضر في قسم امبابه كنت واقف مفيش اي فرق بيني وبين المتهمين الي هناك
وكلمتهم عشان ييجوا عشان مغيرش اثار الجريمه استنتهم اكتر من ساعه ونص وفي الاخر العقيد الي ماسك الامن بتاع المدينه واقف هناك في اول شارع الموقف روحتله قالي انت لو فضلت هنا للصبح محدش هيسأل عنك بقوله لا والله وانا بتريق كدا قالي اه والله
وامن المدينه رافض يديني الفيديو مع انهم دخلوني المدينه وغرفه التحكم وشوفت كل حاجه بنفسي بس رفضوا يدوني الفيديو وقالوا لازم حد من النيابه ييجي
وفي القسم والنيابه مصممين ان انا الي اجيب الفيديو(نقول ثور يقولوا-------)
انا قولت انا هلف كتير واعطل نفسي واحرق في دمي واحرق بنزين وادفع فلوس
وفي الاخر حقي مرجعش ومش هيرجع من اي بشر
عشان كدا استعوضت ربنا وقولت حسبي الله ونعم الوكيل في كل من ظلمني
ورجعت تاني وقولت دا ضحيه مجتمع والخطأ هنا عام مش خاص
فقولت تاني بيني وبين ربنا بنيه صادقه اني مسامحه بس لو ربنا هداه
فازاي احنا في بلد مش مديه للانسان ادميته هننتظر منها انها تديله حقه في استرجاع ممتلكاته!!!!!!!!!!!!!!!!!!!!!!!!!!
لكي الله يامصر
وحسبي الله ونعم الوكيل في كل مقصر في عمله
لان التقصير في العمل من كل الجهات ينتج عنه مجتمع عشوائي
وهذا ما نعانيه الان