الموضوع: مطلوب ارائكم في شراء سيارة اعتمادية في حدود 150 ل 160 الف زيرو

انا محتار جدا بين الشارك والتوليدو

الشارك اكتر عربية متشابهة للبومة واعتمادية كبيرة جدا بس صاج ضعيف مفيش اكصدام ومفيش وكيل عدل والامان فيها اي كلام

التوليدو توكيل برده عادي وقطع غيار غالية جدا دا اللي سامعه ومش عارف ايه ظروف الاعتمادية مع الوقت العفشة تورشن بيم ومش عارف اصلا هتدبدب ولا لأ خصوصا الكاوتش بروفايل 45 فاعتقد مش هتكون مريحة لاكن امان وخامات وتصنيع فولكس فاجن

الياريس توكيل محترم لاكن العربية وهية ماشية بحسها زي الاتراج والافيو اعتقد اجزائها وعفشتها فستك متستحملنيش
مقارنة بالشارك مثلا المقص بسم الله ما شاء الله حاجة محترمة.

الكروز عاجباني جدا كباكيدج بس خايف من العربية والتوكيل

عايز حد يقول قول فصل في الاختيار دا

المشاركة الأصلية كتبت بواسطة egy_fan

انا زيك برده معايا لانسر اعلى فئه و بفكر فى التغيير بس مفيش حاجه مقتنع بيها 100 % و اخر خيارين هما السيراتو و الياريس بس مش قادر اخد قرار...

رايكم مين احسن لواحد معاه بومه؟؟؟

انا رأي خليك في الشارك
او السيراتو الناس بتشكر فيها لاكن انا شخصيا مبحبهاش تماما كحب مش امكانيات ومواصفات دا غير انك داخل محل كماليات والامان بالنسبالهم في الاخر
والياريس ضيقة واضعف من البومة وفئة اصغر

الصراحة التوليدو والكروز والشارك صفقة رابحة بالنسبة للسعر بس مين افضل ؟؟؟؟؟؟؟؟

ايه يا جماعة محدش يقولي اي حاجة تفصل المقارنة دي ؟؟؟؟؟؟؟

عموما انا اختياراتي انحصرت بين الشارك والتوليدو
واستبعدت الكروز لما شفتها وركبتها وكمان الوكيل سئ


1- اعتمادية جدا جدا وقطع غيار معمرة
شارك وتوليدو

2- عفشة تستحمل الهبد والرزع والطرق المكسرة (مش ضروري ناعمة بس يفضل) مع ثبات كويس واتمني يكون التعليق الخلفي مالتي لينك. شارك تكسب

3- تكييف قوي
شارك وتوليدو التكييف ممتاز من ملاكها

4- توكيل كويس وقطع غيار متوفره فيه علي الاقل
الاتنين اي كلام

5- امان ( اي بي اس و 2 ايرباج اساسي) وال ebd يفضل
توليدو تكسب بفارق كبير جدا

6- موتور كويس مش بطة
الاتنين قريبيرن من بعض جدا

7- اعادة بيع معقولة
الشارك تكسب

8- هضيف عليهم السعر
التوليدو تكسب

9- الشنطة
التوليدو تتفوق بمراحل

10- الصاج
فرق مش كبير بس التوليدو افضل


كدا اعمل انا ايه :D :D :D

الكروز الشكل الجديد facelift
فتيس 6 نقلات وموتور الاسترا وفيها ESP

التوليدو 2016
موتور وفتيس الاوكتافيا A7 و فيها ESP + ASR

سيات ليون 2016
الجديدة فيها فتيس 6 نقلات مش DSG ودى فئة اعلي وانا بعتبرها منافس للجولف وسعرها الجديد اول فئة 160 الف

الشارك
البديل الافضل لانتشارها وده كويس خصوصا فى قطع الغيار الاستيراد منتشرة بشكل كبير
بس طبعا في المقابل حتاخد فتيس قديم اربع نقلات ومفيش ESP وطبعا تجهيزات اقل من العربيات الاخري فى المقارنة