الموضوع: عن قطع الغيار والدولار والتوكيلات اتحدث كريم منير

أ/ كريم
اتفق معاك تماماً في كل كلمه قلتها من الناحيه النظريه
لكن على ارض الواقع أنا شايف ان الارتفاع الاخير في اسعار السيارات بالتحديد فيه نسبه كبيره منه جشع وكلاء والسبب ببساطه ممكن تفهموا لو رجعنا بالزمن لورا سنتين تقريباً
من سنتين كان في نقص جامد جداً في الدولار والنقص ده ادى لارتفاع سعر الدولار في السوق السوده اللي كسر فيها سعر الدولار حاجز الـ 9 جنيه وده كان السبب في ارتفاع اسعار السيارات وقتها بشكل كبير وكان المبرر للارتفاع ده هو عدم وجود الدولار وان المستوردين بقى بيشتروا الدولار من السوق السودا بـ 9 جنيه . ولما بدأت دول الخليج تساعد مصر عن طريق المنح والقروض وبدأ الاقتصاد المصري يتضخ فيه العمله الصعبه بشكل كبير قدرت الحكومه تحكم سعر الدولار عن الـ 7 جنيه وقله حده السوق السودا بشكل كبير جداً لكن اسعار السيارات اللي كانت ارتفعت قبل كده منزلتش وفضلت على ما هو عليه يعني هو كان بيجيب الدولار بـ 7 أو بـ 7.50 على اقصى تقدير وبيبيعلك البضاعه على اعتبار ان تكلفه الدولار عليه بـ 9
يعني من الاخر الاسعار اصلاً من البدايه كانت محطوطه على اساس ان الدولار بـ 9 جنيه عشان كده أنا مش شايف اي مبرر للزياده الاخيره دي من وجهة نظري
واللي انا شايفه ان سبب الزياده الاخيره هي في المقام الاول جشع من الوكلاء وانتهاز للفرص والاعتماد على ان الناس بتنسى مش أكتر
ربنا يرحمنا بقى برحمته الواسعه