فانتازيا 2010 توب لاين

**Abo el-Seoud** · 21-10-2015 06:49 PM

مساء الخير يا شباب
انا عايز اخد راي الناس في سعر فانتازيا 2010 توب لاين (خليجي) عامله 95000 وراشه حزام بدون حوادث الحمد لله . وله مغيرله زيت فتيس و 4 فرد كاوتش جداد العربيه محتاجه راس كوبلن ( ولو قولتولي يعمل كام بالمصنعيه يبقي )
ممكن اعرف السعر المناسب ليها لان صاحبها عايز 150 وانا مش عارف السعر المناسب علشان لا اظلمه ولا يظلمني
ممكن من اهل الخبره التوضيح او اللي اشتري قريب يقولي جاب بكام
والعربيه عامله ايه عموما علما باني كان معايا فورد فوكاس يعني مليش نفس احس بفرق

**AHMEDJUDDY** · 21-10-2015 11:24 PM

السعر حلو في ظل ارتفاع سعر الدولار و عربيه حلوه و اتومل علي الله فيها و مش هتندم ان شاء الله ... بس امشف عليها كويس و اتأكد ان الدنيا فيها تمام .

**طارق _عبد السلام** · 22-10-2015 12:12 AM

لسه مغيره زيت فتيس ليه حاول تعرف ممكن يكون فيه نتشه في الفتيس مجرد استفسار لان اللى هيغير زيت فتيس ب2000 جنيه واربع فرد بحوالى 3000 كمان مش هيستخسر يغير راس كوبلن

**Eslam.Elrefaey** · 22-10-2015 08:16 AM

مع احترامى للجميع السعر عالى لان سعر الفابريكة منها وحالة زيرو 155 التوب بتاعها يعنى راشة حزام هتعمل 140-145 بالكتير اوى وربنا يوفقك

**Abo el-Seoud** · 22-10-2015 05:40 PM

انا كده ولا كده هروح اكشف عليها وهشوف الموضوع وموضوع السعر مش عارف انتم رايكم انها توبها 145 ده لو سليمه وال 150 كتير علشان انا مبحبش اقعد كتي بالعربيه يعني اخرها معايا سنتين فمش عايز البس فلوس كتير في البيع

**Abo el-Seoud** · 22-10-2015 05:42 PM

المشاركة الأصلية كتبت بواسطة طارق _عبد السلام

لسه مغيره زيت فتيس ليه حاول تعرف ممكن يكون فيه نتشه في الفتيس مجرد استفسار لان اللى هيغير زيت فتيس ب2000 جنيه واربع فرد بحوالى 3000 كمان مش هيستخسر يغير راس كوبلن

فعلا معاك حق بس الكاوتش كان من 6 اشهر

**mario_9111** · 24-10-2015 08:51 PM

الباشا إلى بيقول السعر عالي انزل السوق وانت تعرف العربيات الاي كلام بيتقال فيها ارقام سوق الجمعه انبارح كورولا 2007 تتباع 135 معقول الكلام ده الأسعار مولعه يا باشا ودي اوكتافيا متنساش الزيرو منها وصل 300