مساعده في حجز تذاكر طيران + استخراج تصريح السفر من التجنيد

**Bassem Youssef** · 21-10-2015 07:53 PM

1- ايه افضل موقع الكتروني احجز من عليه تذاكر الطيران ؟؟؟ ياريت الاجابه تكون عن تجربه شخصيه

2- ايه افضل شركات سياحه في مصر اقدر اسأل فيها عن اسعار تذاكر الطيران ؟؟؟ برضه ياريت الاجابه تكون تجربه شخصيه

3- ايه الاوراق المطلوبه لاستخراج تصريح السفر ؟؟؟ و بياخد قد ايه ؟؟؟ هل ممكن يبقي اطول من شهر ؟؟؟ و هل ممكن تقابلني مشاكل اثناء استخراجه ؟؟؟

4- ان شاء الله هاخد التأشيره من المطار هناك فهل ممكن تحصل مشاكل اثناء استخراج تصريح السفر من التجنيد ؟؟؟

5- احجز تذاكر الطيران الاول و لا استخرج تصريح السفر الاول ؟؟؟

انا خايف احجز تذاكر الطيران الاول و بعدين اواجه مشاكل اثناء استخراج تصريح السفر فتروح التذاكر عليا و في نفس الوقت خايف استخرج تصريح السفر الاول بس ملاقيش تذاكر طيران باسعار مناسبه في مده الشهر بتاعت تصريح السفر

للعلم ليس لدي اخوه ذكور و انا من مواليد 87 و والدي من مواليد 58 و لدي شهاده الاعفاء المؤقت الاخضر في اصفر

سبب الاعفاء كما هو مكتوب في شهاده الاعفاء : " اعفاء المذكور مؤقتا من اداء الخدمه العسكريه و الوطنيه كونه الابن الوحيد لأبيه الحي و تنتهي بزوال السبب او بلوغه 29 سنه ايهما اقرب تاريخا

دي كل المعلومات و في انتظار ردودكم

**moha sasa** · 21-10-2015 07:56 PM

- بالطبع كل التوفيق ليك.

**Bassem Youssef** · 22-10-2015 12:09 AM

محدش عارف ؟؟؟؟

**punisher** · 22-10-2015 12:19 AM

ارخص سعر للتذاكر هو انك تحجز بالفيزا من موقع شركه الطيران نفسها

أي موقع بياخد عموله منك

الطريقه مجربه علي خطوط القطرية

خلص تصريح السفر وبعد كده احجز التذاكر

لو طلبوا منك تذكره سفر قبل ما تقدم علي التصريح ممكن تحجز تذكره تكون refundable او انك تشوف حد معرفه في مكتب سياحه بيطبعلك تذكره بس مش بيأكد الحجز

**punisher** · 22-10-2015 12:22 AM

لو مفيش معاك كرديت كارد ف مكتب السياحه بياخد تقريبا 100 جنيه علي التذكره

يعني لو علي موقع الشركه ب 1900 فا هتدفع في مكتب السياحه 2000

**Hobgoblin** · 22-10-2015 06:00 AM

مقارنة الأسعار:

matrix.itasoftware.com
kayak.com

الحجز:

expedia.com

Thomas Cook if you don't have a credit card

**punisher** · 22-10-2015 06:14 AM

Thomas cook is now operating under another name called Travel Choice

**mido3_gho** · 22-10-2015 08:53 AM

بالتوفيق طبعا في سفرك

الاهم بقي إنت هتسافر فين عشان اقولك افضل الطيران إيه

كل بلد فيها شركات طيران خاصة بيها

وكل الحالات .. افضل المواقع للحجز شركة الطيران نفسها مش مكاتب لإن المكاتب بتاخد عمولتها

بخصوص الحجز ولا التصريح .. تابع الحجوزات بس الاهم تطلع التصريح عشان لو حصلت اى عقبات لاقدر الله

لو طلبوا منك تذكرة .. شوف مكتب يكون ليك معرفة خليه يطلعلك تذكرة بدون تأكيد وتمام

ربنا يوفقك .. بس ناوي علي فين إن شاء الله

**hobiko** · 22-10-2015 11:50 AM

بص يا باسم انا حديك الخلاصة فى موضوع حجز تذاكر الطيران

Cheap Flights - Find Cheap Airline Tickets with Skyscanner

الموقع ده من الأخر search engine لتذاكر الطيران ........ بتقوله انت عايز تروح منين لفين و نوع الدرجة و العدد و التواريخ ........ بيقعد يدور فى كللللللل مواقع شركات الطيران كلها على النت و يجيبلك الرحلات المناسبة ليك و يرتبهم من الأرخص للأغلى

ده احسن موقع موجود حاليا للحاجات ديه و هو احسن من destinia و من expedia و اسهل و اسرع و ارخص طبعا من مكاتب الطيران و عن تجارب مش تجربة واحدة :)

بالنسبة لسعر التذكرة و تصريح السفر

الصح طبعا انك تحجز باسرع ما يمكن و و بدرى على قد ما تقدر ...... لان كل ما حجزت بدرى كل ما سعر التذكرة كان ارخص ....... يعنى كل ما كان فيه وقت اكبر بين وقت ما تحجز و بين ميعاد الرحلة كل ما التذكرة كانت ارخص

طيب و تصريح السفر ........ و انت بتحجز تذكرة الطيارة ....... ركز فى نوع الدرجة و شروطها ...... حسب نوع الدرجة فى شركات بتسمحلك بتغيير ميعاد الرحلة ليوم تانى او تأجيلها من غير غرامات كبيرة ...... و فيه نوع و ده عادة بيبقى سعر تشجيعى يعنى على اوفر مش بيسمح بأى تغيير و لا حتى استرجاع التذكرة ...... و فيه نوع بيسمح بالغاء التذكرة بس مش بيرجعلك الفلوس .. بيحتفظ بيهم كرصيد عنده لحسابك لما تيجى تقطع تذكرة جديدة تقدر تستخدمه

كل ده طبعا بيحدده شركة الطيران و نوع الدرجة زى ما قولتلك و كل حاجة و ليها سعرها حسب ظروفك

لو عايز مساعدة بالتفصيل تحت امرك ممكن تكلمنى على الخاص

و بالتوفيق ان شاء الله

**Bassem Youssef** · 22-10-2015 08:56 PM

الف شكر يا جماعه و ان شاء الله هعدي علي مكتب مصر للطيران و توماس كوك قريبا

الموضوع: مساعده في حجز تذاكر طيران + استخراج تصريح السفر من التجنيد

LinkBack

أدوات الموضوع

عرض

-

-

-

-

المواضيع المتشابهه

ازاى اتأكد من صحه تذاكر طيران

استفسار عن حجز تذاكر طيران

تذاكر طيران غير مؤكده

تذاكر طيران مخفضة - موضوع اعلاني

سؤال عن حجز تذاكر طيران علي الانترنت

الكلمات الدلالية لهذا الموضوع

المفضلات

المفضلات

ضوابط المشاركة