** اصلحها ولا كفايه على كده **

**waled369** · 21-11-2008 10:41 PM

مش عارف أقول لك ايه . المهم حمد الله على سلامتك .

و الله العظيم شفت عربيات ( متعجنة ) في المنصورة كانت بتتشد و رجعت أحسن م الأول و أراهن لو حد عرف انها كانت عاملة حادث أساسا.

صلي استخارة و ربنا يقدم ما فيه الخير .

**essa** · 21-11-2008 10:50 PM

المشاركة الأصلية كتبت بواسطة kabos

انا كان معايا 132 واتخبطت جامد وانا بصلحها كنت بشوف عربيات مدمرة اكتر من عربيتك وبتتشد وترجع تانى بس المهم يكون واحد كويس علشان التوكيل هايبقى غالى وممكن يقولك لا يصلح

هو فعلا التوكيل هيعمل مقايسه عااااليه اووى واحتمال يقول مش هتتصلح
انما الورش هتصلح المهم بس بعد ماهتتصلح هترجع عربيه محترمه ولا ايه نظامها انا بشوف لانسرات وفيرناات بالهبل فى الورش بتتصلح واصعب من عربيتى بس الله اعلم اصحابها هيصلحوهم ليه يمكن علشان يبعوهم ويضحكو على اللى هيشتريها انا لو اتصلحت هستحرم ابيعها بالاسلوب ده

**Michael_Lanos** · 21-11-2008 10:53 PM

بيعها يا عم

**Ahmed Sharaf** · 21-11-2008 10:55 PM

أولاً الحمد لله ان اللى فيها سالمين.
ثانياً قدر الله ما شاء فعل .
ثالثاً انت مأمن عليها يعنى التأمين هيصلحها على حسابة وفقاً لشروط البوليصة وحتى لو هتدفع جزء برضة مش مشكلة , وإن شاء الله ترجع زى الأول.
وأنا راي انك تصلحها فى التوكيل أحسن لانة اكتر واحد يعرف العربية وفعلا زى ما الاخوة قالو فى عربيات بتبقى معجونة وترجع كويسة , طبعا لو التوكيل هتروح قليوب الهياكل , الموضوع هياخد وقت .. خلى نفسك طويل وربنا معاك ويعينك .. ولو عايز تصلح فى المنصورة , انا شغلى هناك و ممكن اسألك عند مركز صيانة هنا وانا أعرف رئيس مجلس إدارتة ويمكن يكون عامل الوقت أسرع عندهم.
ربنا معاك.....

**essa** · 21-11-2008 11:00 PM

المشاركة الأصلية كتبت بواسطة waled369

مش عارف أقول لك ايه . المهم حمد الله على سلامتك .

و الله العظيم شفت عربيات ( متعجنة ) في المنصورة كانت بتتشد و رجعت أحسن م الأول و أراهن لو حد عرف انها كانت عاملة حادث أساسا.

انا بردو شوفت بعينى مسلسل عربيه كان سقفها فى الارض وشوفت مراحل تصليحها تغير سقف وكبوت ورد الرفارف وبعض منهم اتغير وتغيير بعض الابواب ودلوقتى داخله فى مرحله التقفيل وكمان شوفت كرولا متقفله بموتور بكيسه وكانت دايره بتتلين بس الله اعلم بقى لما هترجع كده هتبقى كويسه ولا هفضل رايح جاى على الميكانيكى والبويه تسقط واروح ارش تانى وووو, ناس بتقولى هتبقى مشاكلها كتير جدااا وهتقرفك وناس تقولى عادى ماهى كانت حديد وهترجع برضو حديد يعنى مش هتفرق

صلي استخارة و ربنا يقدم ما فيه الخي

ان شاء الله وانا فى الاول وفى الاخر بقول اى حاجه تحصل مش هيبقى ليا يد فيها كله بايد ربنا

**essa** · 21-11-2008 11:03 PM

المشاركة الأصلية كتبت بواسطة Michael_Lanos

بيعها يا عم

الف شكر على رأيك وزوقك وتوجيهك ليا

**amr mokhtar** · 21-11-2008 11:11 PM

طيب ما تحاول تعرف التأمين هيدفع كام فى حالة ان العربية مش هتنفع تتصلح؟
لو المبلغ كويس أعتقد إنك تاخد الفلوس أحسن و بلاش وجع دماغ

لكن لو هم هيدفعوا مبلغ قليل يبقى تتصلح أحسن
و طبعآ كله فى التأمين

الحمد لله أنك طلعت منها و ربنا يكرمك بأحسن منها

**R A N A** · 21-11-2008 11:16 PM

هو مش المفروض لو التوكيل قال متتصلحش تبقي دخلت في اطار ال Total Loss والمفروض التأمين يبدلهالك بعربية جديدة وتدفع مبلغ بسيط؟

انا ليا زميل كان جايب عربية سبيرانزا اتقلبت وقالوله حصلها Total Loss التأمين دفعه 6 الاف جنيه واداله عربية جديدة.

حضرتك مسألتش في الموضوع ده؟ لو مسألتش حضرتك ممكن تشوف حد في شركة التأمين يقولك تعمل ايه وايه انسب الحلول واقلها خسارة بالنسبة ليك برده.

عموما بجد ربنا يصبرك وحمد الله علي سلامتك وسلامة اللي كانوا فيها وان شاء الله طالما حضرتك عندك ضمير ومش عايزة تبيعها بطريقة تخدع المشتري يبقي ربنا هياباركلك ويهون عليك اللي حصلك فيها بإذن الله

**essa** · 21-11-2008 11:18 PM

أولاً الحمد لله ان اللى فيها سالمين.
ثانياً قدر الله ما شاء فعل .

الحمد لله طبعا ان ربنا عمل كده الواحد مش عارف كان ايه اللى ممكن يحصله

ثالثاً انت مأمن عليها يعنى التأمين هيصلحها على حسابة وفقاً لشروط البوليصة وحتى لو هتدفع جزء برضة مش مشكلة , وإن شاء الله ترجع زى الأول.

بس التوكيل علشان يصلحها هيعمل مقايسه كبيره ولو هتتصلح مثلا بـ 15000 التامين هيقول 25000 فـ بتاكيد التامين هيفرض انه يصلح بالسعر ده وهيقولى صلحها فى اى ورشه تامين

وأنا راي انك تصلحها فى التوكيل أحسن لانة اكتر واحد يعرف العربية وفعلا زى ما الاخوة قالو فى عربيات بتبقى معجونة وترجع كويسة , طبعا لو التوكيل هتروح قليوب الهياكل

وفى توكيل ابو رواش اكيد التوكيل هيبقى احسن بكتير عن الورش بس اللى رمانى على المر اللى امر منه

الموضوع هياخد وقت .. خلى نفسك طويل وربنا معاك ويعينك .. ولو عايز تصلح فى المنصورة , انا شغلى هناك و ممكن اسألك عند مركز صيانة هنا وانا أعرف رئيس مجلس إدارتة ويمكن يكون عامل الوقت أسرع عندهم.

عارف انه هياخد وقت كتييير جداا لو فى ابو رواش المهندس بيقولى على الاقل هتقعد بتاع 4 شهور عقبال ماتتصلح لو ينفع تتصلح فالمنصوره فياريت لو تعرف تاخد صور العربيه وتوريها لخبير هناك ويشوف هيعمل المقايسه بكام وانا انقلها واصلحها هناك او وريها لرئيس مجلس الاداره وشوف هيقولك ايه وده هيبقى جميل مش هنساهولك

ربنا معاك ......

يارب والف شكر بجد على ردك وافادتك ليا

**essa** · 21-11-2008 11:26 PM

المشاركة الأصلية كتبت بواسطة amr mokhtar

طيب ما تحاول تعرف التأمين هيدفع كام فى حالة ان العربية مش هتنفع تتصلح؟
لو المبلغ كويس أعتقد إنك تاخد الفلوس أحسن و بلاش وجع دماغ

لا انا مش هيتبقالى حاجه خالص لان العربيه قسط والحادثه كان الشهر التالت ليها وحاليا الشهر الرابع

لكن لو هم هيدفعوا مبلغ قليل يبقى تتصلح أحسن
و طبعآ كله فى التأمين

لما هتتصلح هتتصلح فى ورشه انما فى التوكيل لا علشان الحاجه اللى بـ 10 بتبقى بـ 100 فى التوكيل والتامين مش هيرضى يصرف اللى هيقول عليها التوكيل

الحمد لله أنك طلعت منها و ربنا يكرمك بأحسن

الحمد لله على كل شىء

الموضوع: اصلحها ولا كفايه على كده

LinkBack

أدوات الموضوع

عرض

-

-

-

-

-

-

-

المواضيع المتشابهه

خدت خبطه جامده ورا ياريت تساعدونى ازاى اصلحها

الخبطة دى اصلحها فين

عربيتى البرافو اتخبطت,اصلحها فين؟

جيلي مابل : اصلحها فيييييييييييييييييين

عربيتي عملت حادثة ومش عارف اصلحها فين

الكلمات الدلالية لهذا الموضوع

المفضلات

المفضلات

ضوابط المشاركة

الموضوع: ** اصلحها ولا كفايه على كده **

-

-

-

-

-

-

-

المواضيع المتشابهه

الكلمات الدلالية لهذا الموضوع

المفضلات

المفضلات

ضوابط المشاركة

الموضوع: اصلحها ولا كفايه على كده