** اصلحها ولا كفايه على كده **

**essa** · 24-11-2008 02:28 AM

المشاركة الأصلية كتبت بواسطة red_elantra

حمد الله على سلامتك اولا واحب اطمنك العربية بتاعتك الى حد ما سليمة شوية والخبطة جات فى السف والجنب الشمال زى ماشفت من الصور وعلى فكرة عربيتة عمى فيرنا كانت مقولبة على كوبرى فى الطريف الزراعى 6 قلبات واتصلحت وبقت زى الفل وانا اول ماجبت العربية الالنترا جبط الرفرف الشمال ومش عايز اقوللك عجنتة ورجعتة تانى زى الاول الحمد لله وعلى فكرة على البارد كل اللى انت محتاجة دلوقتى انك هتروح المنصورة
روح لسمكرى تمام هناك واديلة العربية وهيقوللك تعالة استملها منى يوم كذا وها هيظبتها ويرشها ويعمل كل شغل الميكانيكا والعفشة وانت هتستلم وتتدفع بس هتتدفع اعمل حسابك دة لو اانت عايز العربية زى الاول وكل فترة هتروح تبص عليها وخلاص ترجع زى الاول واحسن إن شاء الله ولو عايزنى اقول على السمكرى اللى عمى عمل عندة العربية هو سمكرى فى كفر الزيات اسمة محمد الشورة مش عايز اقوللك معجزة ايدة عاملة زى الدكتور والله مطلع عربية كورلا 2008 عربيتك بالنسبالة رحمة ومطلعها زيرو بجد . ولو عايزانى اعمللك كوناكت مع السمكرى هظبتك .وقدر الله ماشاء فعل .واحمد ربنا انك سليم

الله يسلمك ياباشا
وانا دايخ على سمكرى محترم يعملى مقايسه كويسه ويكون تبع الجمعيه يعنى شغلو معاهم واذا كان هو هيصلح مثلا الحاجه بـ 15000 والشيك مثلا طلع 20000 حلال هو عليه الخمسه
انا كل اللى عاوزه سمكرى يسعفنى ويكون تبع التامينات لان مفيش سيوله اليومين دول خالص ده غير اقساط العربيه اللى عماله شغاله ملهاش دعوه بحاجه
سمكرى يكون تبع التامينات وفى نفس الوقت محترم وكويس لو محمد الشورة ده بيتعامل تبع التامينات يبقى انا ربنا كاتبلى السعد لو لا يبقى انا اللى حظى كده وياريت تشوف اى حد فى المنصوره يكون كويس بردو وبيتعامل مع التامينات ولو خلاص مافيش نهائى ياريت حضرتك توري الصور للاسطى محمد الشورة ده وتقوله هتتكلف فى حدود كاااام واذا كان المبلغ فى المعقول واقدر حتى اتصرف فيه يبقى بمشيئه الله انقلها ويبدا يشتغل فيها
والف شكر ياباشا على مساعدتك ليا ...

**Ahmed Sharaf** · 24-11-2008 11:21 AM

وياريت تشوف اى حد فى المنصوره يكون كويس بردو وبيتعامل مع التامينات

انا سألتلك فى المنصورة مركز الدلتا - مركز صيانة معتمد هيونداى و لانسر - وقالى انها هتاخد تقريباً 20 يوم وقال انها بتتعمل حاجة اسمها خياطة ودى أحسن من اللحامات و ماتفكش .

**essa** · 24-11-2008 05:06 PM

المشاركة الأصلية كتبت بواسطة Sindbad7000

انا سألتلك فى المنصورة مركز الدلتا - مركز صيانة معتمد هيونداى و لانسر - وقالى انها هتاخد تقريباً 20 يوم وقال انها بتتعمل حاجة اسمها خياطة ودى أحسن من اللحامات و ماتفكش .

طيب ومركز الدلتا ده بيتعامل مع التأمين ----- ده لو توكيل معتمد هيبقى اكيد بيشتغل للتامين علشان فى التامين قالولى وديها التوكيل (اى توكيل سواء ابورواش او اللى هو عند اول الطريق الزراعى الله اعلم بقى ده توكيل قليوب ولا لا )وخليه يعملك مقايسه (صغيره) واحنا نصلحهالك هناك ---- انا عايز اعرف هتتكلف فى حدود كام فى المنصوره علشان اعرف هنا التامين هيصرفلى كام فى حاله اني اصلحهااا وموضوع انها هتقعد 20 يوم ده فعلا ولا تعالى استلمها الشهر الجاى ؟؟؟؟

**SAMER_ENGINES** · 07-12-2008 12:29 PM

المشاركة الأصلية كتبت بواسطة kabos

انا كان معايا 132 واتخبطت جامد وانا بصلحها كنت بشوف عربيات مدمرة اكتر من عربيتك وبتتشد وترجع تانى بس المهم يكون واحد كويس علشان التوكيل هايبقى غالى وممكن يقولك لا يصلح

ايوة صح مفيش حاجة اسمها مترجعش زي الأول كله بفلوسك يرجع يا حبيبي اما بقي لو بتتكلم علي قطعة غيار ممكن تكون اقل كفاءة حاجات زي كدة فده وارد طبعا و الحل تتأكد من كل قطعة غيار بتجيبها و التوكيل هيكبر لك الموضوع اوي فممكن يقولك مش هينفع التصليح و ناخدها و نديلك عربية تناية مش عارف بقسط كذا او يقولك تصليحها مش عارف كام فروح لحد كويس و ربنا معاك و يعوض عليك و يحافظ علينا كلنا

**ringoo84** · 07-01-2009 02:22 AM

الحمد لله على سلامتك وربنا يفديك بيها

**aboelnagah** · 08-01-2009 12:55 AM

اولا الحمد لله انك سليم ومش مهم العربية
بس هقولك حاجة العربية بتاعتك يعتبر حالتها كويسة جدااااااا عن عربيات كتير يعنى مش هتحاج ولا نص ولا ربع ولا بتاع
لان الشاسيه والبودى الاصلى تمام ياباشا اتشجع وروح اعملها وظبطها باذن الله هترجع كويسة ومتخفيش هى يعنى الدنيا هطير وارمى حولك على الله وربنا يسهل باذن الله

**abdelsameaa** · 08-01-2009 10:55 AM

لا اله الا الله الحمد لله
علي كدة انا من رأي هى هتكلفك كتير وبردو هتكون معيوبة لما تيجى تبيعها فالاحسن انك تشتري غيرها
حمد الله علي سلامتك
دا من رأي والله اعلم

**mas0115911185** · 13-01-2009 07:48 AM

اولا حمد الله على سلامتك وسلامتك بالدنيا ... ثانيا إن شاء الله هتتصلح وترجع زى الأول بس يكون فى ورشه فيه ناس بتفهم مش ورشة شباشب .. ثالثا وده الأهم التوكيل إن شاء الله هيغطى لك الموضوع ده وماتقلقش وربنا يكفيك شر الحوادث مرة تانيه ... وحمد الله على سلامتك تانى

**albaraa85** · 14-01-2009 12:36 AM

باشا هو الحمد لله انك انت طلعت منها و محدش حصله فيها حاجة بس العربية ده مش حتنفع تانى
انا بجلك الكلام من الاخر و لو عايز تخلص فعلا روح بيعها للناس الى بيشتروا العربيات بتاعة الحوادث هو حيشتريها منك
و توفر فلوس التصليح و تحط فلوس التصليح على فلوس العربية خرده و تجيب حاجة تانيا

--او : لو كان التأمين يغطيلك" التوتال لوس" فهو المفروض يبدلهالك
او على الاقل فى مصرنا يدفع فلوس التصليح فى التوكيل
و لو اتصلحت بيعها و قول للبايعهاله انها كانت عامله حادثة
===============================
لو بتوع التأمين مرضوش ينفذوا العقد و شرط التأمين روح للناس بتوع حماية المستهلك و هما حيجبولك حقك

**biboelking200** · 16-02-2009 05:41 PM

ربنا معك يا عم
والحمدالله انك طالع سليم منها
وعلي العموم يا عم الحاج اللى يجي في الريش بقشيش

الموضوع: اصلحها ولا كفايه على كده

LinkBack

أدوات الموضوع

عرض

-

-

-

المواضيع المتشابهه

خدت خبطه جامده ورا ياريت تساعدونى ازاى اصلحها

الخبطة دى اصلحها فين

عربيتى البرافو اتخبطت,اصلحها فين؟

جيلي مابل : اصلحها فيييييييييييييييييين

عربيتي عملت حادثة ومش عارف اصلحها فين

الكلمات الدلالية لهذا الموضوع

المفضلات

المفضلات

ضوابط المشاركة

الموضوع: ** اصلحها ولا كفايه على كده **

-

-

-

المواضيع المتشابهه

الكلمات الدلالية لهذا الموضوع

المفضلات

المفضلات

ضوابط المشاركة

الموضوع: اصلحها ولا كفايه على كده