الموضوع: اثقل نوع زيت ؟؟؟؟

المشاركة الأصلية كتبت بواسطة khmonir

السلام عليكم ورحمة الله وبركاته
محتاج خبرتكم يا جماعة
أنا كنت بحط لعربيتي بولنيز 90 شل أصفر من وقت ما اشترتها ووقت تغيير الزيت بيبقى النقص قليل
لحد ما حصل والعربية سخنت معايا واكتشفت إن جوان وش السلندر ضرب والمياه بتسرب ، بعد التصليح حطيت شل أصفر لكن بعد 800 كم لقيت الزيت عند النصف ومكملتش بيه 2000 كم بعد ما زودته شوية ....... الميكانيكي نصحني بكالتكس غيرته بعد 2000 كم والزيت نقص حاجة بسيطة جداً ....... فغيرنا لشل اﻷحمر كتجربة ودلوقتي أنا عامل بيه 1500 كم الزيت بقى عند النصف بين الماكس والميني
أولاً: أنا كده مبقتش عارف المشكلة في إيه ..... هل العربية بتاكل زيت؟؟؟؟ ولو بتاكل زيت كالتكس ليه لم ينقص؟؟؟؟ ولو مبتاكلش ليه زيوت شل بتقل
ثانياً: هل معدل نقصان شل اﻷحمر ده طبيعي ولا ﻷ (في النطاق المسموح يعني ولا ﻷ)؟؟؟؟؟
ثالثاُ: ايه اﻹضافة اللي ممكن أحطها تقلل من الاستهلاك؟؟؟ قرأت ترشيحكم لزيت الشنبر ، وهناك إضافات قرأت عنها تعيد ترميم الخلوصات بتقنية النانو مش عارف دي كويسة ولا ﻷ؟؟؟
رابعاً: أنا كنت ناوي أمشي بالعربية من غير ما أزود زيت علشان أعرف معدل الاستهلاك لحد ما يجي ميعاد التغيير بعد 2500 كم تقريباً ، فهل ده صح ولا يضر الموتور؟؟؟؟؟

آسف للإطالة عليكم لكن الموضوع محيرني والميكانيكية بيفتوا

هى حاجة بعيدة عن الموضوع شوية

لو حضرتك معاك الموتور ال 1500 سى سى فدا موتور وحش اوى للبولونيز بتغير له جوان وش سلندر كدة زى ما بتغير فلتر زيت ...الوش بتاعه هو بتاع الفيات ال 1300 و ال 125

الموتور ال 1600 كويس