نفخ بدون دخان بعد طقم شنبر

**kantoosh** · 23-10-2015 01:45 AM

السلام عليكم
العربيه 127 عملنا طقم شنبر وفرش شنبر وسبيكة جديده وغيرت بستمين وكله تمام ولينت بحوالى 15 لتر بنزين والعربيه واقفة والموتور محكوم تمام والكبس ما شاء الله وبعدها الميكانيكى قرط على وش السلندر وظبط تاكيهات ومشيت بالعربيه حوالى 10 كيلو كده على سرعه لم تتجاوز 60 ومفيش مشكله ولكن سمعت صوت صوصوة زى العصفورة كده والميكانيكى عاد على رباط وش السلندر وشاف التاكيهات تانى ولكن مطلعش العيب منهم ولما زيت الابلاتين منع الصوصوة لكن جينا نجرب تانى بعدها طلع من المكنه صوت غريب وكأن الشكمان مكسور حاول تانى فى التاكيهات ومفيش فايدة وسمعت خبطه خفيفة من تحت وقاللى دوس دبرياج ودوست ومنعت الخبطه والمفروض بكرة هيشوف الصوت الغريب ده منين مع العلم ان مفيش دخان ولا ترتيل فى المكنه ولا اى حاجه المكنة دايرة تمام لكن الصوت غريب ونزلت اشوف الشكمان لقيتة تمام تفتكروا ده يكون ايه طمنونى هل فيه حاجه غلط ولا الموضوع بسيط ؟؟
فيه رأى بيقول انه جوان وش السلندر اتقطع هل ده صحيح ولا ايه ؟؟؟

**ahmed2y** · 23-10-2015 02:17 AM

لو فى صوت شخللة بيجى ويروح او لو بتزود بنزين يمكن ترس الفلام مش راكب ومربوط كويس والله اعلم

**kantoosh** · 23-10-2015 02:26 AM

الصوت مش شخللة ده بالظبط كأن الشكمان مكسور او جوان الشكمان ضارب يا رب يكون كده فعلا ويكون الخبطه اللى سمعتها دى منه لكن انا خايف تكون حاجه كبيرة فى الموتور نفسه وعاوز اطمن بس

**kantoosh** · 23-10-2015 02:30 AM

والصوت بيزيد مع زيادة البنزين

**Mecha** · 23-10-2015 04:04 AM

فرش الشنبر غلط

**م أحمد** · 23-10-2015 11:58 AM

زود زيت الفتيس

**kantoosh** · 23-10-2015 11:00 PM

المفاجأه
النهاردة الميكانيكى قاللى انه غسل عامود التاكيهات وعاد رباط على وش السلندر وسابها دايرة مع نفسها منعت الصوت وبيقول انه كان حط زيت فى الكاربراتير وممكن يكون هو ده اللى كان عامل الصوت لكن دلوقتى الصوت منه هل كده خلاص ولا فيه حاجه غلط وداراها ولا ايه

**Mecha** · 24-10-2015 06:08 AM

زيت في الكربراتير
ههههههه

**م أحمد** · 24-10-2015 02:24 PM

لو حط زيت فى الكاربيراتير و الصوت منع يبقى الصبابات عندك مش معمول لها روديه كويس (دا لو كانت عاملة عمرة كاملة)

إنما غالبا و الله اعلم و علشان انت ما ودتش حاجة للخراط الباشا خلف ترقيم الصبابات مكان بعضها و متركبة بترتيب غير الترتيب الأصلى

**kantoosh** · 25-10-2015 12:04 AM

المشاركة الأصلية كتبت بواسطة م أحمد

لو حط زيت فى الكاربيراتير و الصوت منع يبقى الصبابات عندك مش معمول لها روديه كويس (دا لو كانت عاملة عمرة كاملة)

إنما غالبا و الله اعلم و علشان انت ما ودتش حاجة للخراط الباشا خلف ترقيم الصبابات مكان بعضها و متركبة بترتيب غير الترتيب الأصلى

باشا
الوش راح للخراط واتعمل فريزة ورودية وجلد صباب وبعدين هو مش حط زيت ومنع لكن مكانش فيه صوت غير كأن عصفورة بتصوصو وطلع من الابلاتين لكن هو علشان يوصل للصوصوة دى حط زيت فى كل حاجه حتى الكاربراتير وبعدها طلع الصوت الغريب ده والاغرب من كده انه حاول فى كل شىء ولما ساب العربية تدور شوية لوحدها مع نفسها اختفى الصوت باين ده شغل عفاريت