الموضوع: السحب بطئ

تغيير الزيت والفلتر أكيد هيكون مفيد جدا... بس اللي أعرفه إن الكورولا في الموديل ده سحبها ضعيف فعلا..

عموما.. جرب الأول تستخدم الفتيس صح..

هل جربت تدوس زرار الأوفردرايف (O/D) قبل كده؟؟؟

زرار الأوفر درايف هو الزرار الصغير اللي في عصاية الفتيس




تقدر كمان تستخدم الفتيس بطريقة شبيهة بالمانيوال لو استخدمت النقلات التانية اللي في الفتيس



لو جبت الفتيس على (L).. كده الفتيس هيعشق أول نقلة بس..
لو جبته على (2).. الفتيس هيعشق أول وتاني نقلة بس..
لو جبته على (D) وانت دايس زرار الأوفردرايف .. الفتيس هيعشق النقلة الأولى والتانية والتالتة
لو جبته على (D) من غير ما تدوس الزرار.. الفتيس هيعشق الأول والتاني والتالت والرابع.

لو عايز تعرف أكتر عن الأوفردرايف.. ادخل على الموضوع ده:

http://www.nilemotors.net/Nile/412998-a.html


...