بسمع صوت جاي من الفرده القدام زي تزييق

**shooda2020** · 27-10-2015 11:03 PM

يا جماعه العربيه معايا بقالها 6 سنين مامشتش 30 الف كيلو علي بعض يعني بتطلع قليل جدا
المهم ساعات بسمع صوت جاي من الفرده القدام زاي تزييق او عصافير كدا وساعات يروح وساعات يرجع
بس اخر مره كبيت ميه كتير عالفرده بالبريل وسبتها ماطلعتش بيها وكان برضه وقت ماكبيت ميه عليها كانت بارده اكيد
المهم بعد ماطلعت بيها بكام يوم الصوت راح
هل دا ممكن يكون جلب مقصات ولا كانت تراب وطين عليها وخلاص
حد يفيدني علشان الصراحه خايف من مشوار بتوع العفشه يفكوها عالفاضي وفي الاخر يقولك غير جلب مقصات و بلي وهي مش محتاجه
يا ريت ياجماعه تفيدوني
هو لحد دلواقتي الصوت مش موجود

**abokoko** · 28-10-2015 11:03 AM

ميكانيكي ثقه
قول له عايز اغسل العجل من جوه
هيفك العجل علشان ينظف رايش التيل
وهو بيفك العجله الاماميه
قول له اخبار بليه العجله هل غيها مساكل
بيهز العجله سمال ويمين وفوق وتحت وكمان بيحركها بايده ويحط ودنه علي الرفرف
لو فيها اي حاجه هيقول لك

لو حسيت كلامه منطقي خليه يعملها
غير كده
قول له انا حاليا عايز غسله نظافه للعجل وبس

طبعا الكلام ده لو هتعمل شغل بعيد عن توكيل العربيه او بعيد عن مركز صيانه