الاكسيل والمطباااااات

**علي الرشيدي** · 08-11-2015 08:14 PM

عندي هيونداي اكسيل 1500 موديل 93 بصراحة شوفت بيها الويل في المطبات لحد ما ربنا اكرمني بعفشجي شاطر قضي علي المشكلة نهائيا ازاااااي.... بص ياسيدي غير السوستتين الامامي بجوز سوست نوبيرا خلفي . وغير السوست الخلفية بجوز سوست لادا امامي مع مراعاة اطوال السوست وهي برة العربية ومهم جدا انه يقطع الزيادات بالصاروخ مش بلمبة القطعية . وانس بقي الاحتكاك بالمطبات وحمل العربية زي مانت عايز. وعلي فكرة العربية مبقتش ناشففة. انا قولت انشر تجربتي للافادة لأني اتبهدلت من المطبات وكنت بعمل حساب المطبات اوي.وبرضو العربية مابقتش عااية عشان محدش يقول انها كدة تبقي عليت وهتعوم مني.

**pepo2011** · 09-11-2015 11:25 AM

مشكووووووور

**kemo840** · 11-11-2015 03:31 PM

العفشجى ده فين ورفم ايه

**miam0502788391** · 11-11-2015 05:13 PM

الاكسيل اصلا واطي وانا عندى الحمد لله مبتحكش فى المطبات لأنى مركب علايات ولو لوحدى او واحد معايا مفيش حك خالص
لكن لو 2 من الاوزن الثقيل او 3 اشخاص ورا لازم اخد المطب بالورب
كمان انا مركب مساعدين زيت على غاز منشفين العفشية شويه ومخلى العربية ثابتة
انت ركبت سوست أطول من بتاعة الاكسيل ولا نفس الطول

**علي الرشيدي** · 11-11-2015 11:52 PM

بص يا باشا... السوست لو حطيناها علي ترابيزة جنب بعض حتبقي نفس الطول بالنسبة للأمامي . اما الخلفي فالجديد اقصر من القديم بحوالي 3 سم وده لأن سوست الاكسيل طرية اوي اوي فلما اتحطت السوست الجديدة رفعت مقاسات ماتحت السيارة بالمتر لقيتها هي هي كأن السوست القديمة هي ال راكبة. وبالنسبة للعفشجي هو من عندنا في اسكندرية في الورديان آخر شارع الاتحاد من جهة مسجد بن سهلان واسمه الشيخ انور.

**علي الرشيدي** · 11-11-2015 11:59 PM

بالنسبة للمساعدين الزيت علي غاز ....ماركتهم ايه? وبكام?عشان عندي العربية في مطبات الهوا بتبقي عاملة زي مراجيح مولد النبي. ... وعلي فكرة انا من يوم ما عملت تعديل السوست ده ما اخدتش ولا مطب بالورب مع اني انا والاسرة كلنا اوزان تقيلة.

**miam0502788391** · 12-11-2015 03:26 PM

المشاركة الأصلية كتبت بواسطة علي الرشيدي

بالنسبة للمساعدين الزيت علي غاز ....ماركتهم ايه? وبكام?عشان عندي العربية في مطبات الهوا بتبقي عاملة زي مراجيح مولد النبي. ... وعلي فكرة انا من يوم ما عملت تعديل السوست ده ما اخدتش ولا مطب بالورب مع اني انا والاسرة كلنا اوزان تقيلة.

المساعدين الأمامى مونرو اتحاد أوربى
المساعدين الخلفى kyp يابانى
بكام ؟؟ ده كام من اربع سنين 550 للأمامى و 350 للخلفى
نصيحة ركبهم وانسى موضوع المرجحه فى المطبات