المشاركة الأصلية كتبت بواسطة m.elwan
انا شفت الشكل القديم ده في دبي كتير من فترة وبيقولو عليها هناك passat sport
وكلامك منطقي ان صعب مصنع امريكا يصدر للشرق الاوسط
فممكن تكون العربيه مصدرة من مصنع ايه؟
المناقشة دى عاوز اوصل منها لمعلومة مهمة هى هل التوكيل هنا مقصر في استيراد موديلات سيارات مناسبة لمصر والموضوع مش فارق معاه ولا فعلا الموضوع منتهى من الشركة الام
يعنى توكيل سكودا قدر يوصل بمجهود محترم ان في احدى مصانع فولكس واجن بيصنع الa7 بفتيس اوتوماتيك عادى مش dsg خد القرار وتواصل مع شركة اسكودا لتغيير الموديل اللي اللى تم تصديره لمصر في اول دفعه الي الموديل الملائم لمصر
توكيل سيات طرح التوليدو 2015 بموتور وفتيس قديم وبعد كده في 2016 قدر يستورد دفعات جديدة بموتور وفتيس الاوكتافيا الa7
وقبلها طرح الليون بفتيس dsg ودلوقتى بدء يستورد موديل بفتيس 6 نقلات اوتو وموتور 1600
يعنى التوكيلات دى بتبذل مجهود وبيشتغلو لكن لما تيجيى تشوف توكل فولكس واجن في مصر
عنده جيتا وباسات مبيعاتهم لا تذكر ومشاكلهم لا تنتهي
يعنى مثلا محصلش في اى وقت من الاوقات ان فولكس واجن بعتت استفسار للوكيل المصري تستنكر انخفاض مبيعات الجيتا والباسات في مصر عن السنين اللى فاتت
طيب محصلش مثلا ان الوكيل المصري بعت لفولكس واجن قالهم الفتيس لايناسب السوق المصرى ومأثر على المبيعات ومحتاج حل لتدارك المشكله في الباسات والجيتا
انا بفكر بصوت عالي لان فعلا الموضوع ده مضايقني جدا هل مصر فعلا سوق ليس له اهمية بالنسبه لشركة زي فولكس واجن