الموضوع: Passat B8

مفيش حد يقدر يأكد او ينفى وجود المشاكل في الباسات الجديده

لكن الواقع ان مشاكل ال dsg لسه موجوده لحد النهارده في مختلف الموديلات مش الباسات بس

بالنسبه للمواتير لو هاتنزل 150 حصان هاتبقى حلوه ، لو ال 125 حصان هاتبقى عاديه

المشاركة الأصلية كتبت بواسطة AHMEDJUDDY

سمعت انها هتنزل فتيس DSG wet مش dry وبرده سبع سرعات و ال WET تقريبا ملهوش مشاكل .

فولكس فعلا عندها فتيس 7 سرعات wet مش dry ، ولكن الفتيس دا مخصص للعربيات اللى عزمها عالى فوق ال 380 نيوتن

اما العربيات اللى بتنزلنا مصر بالمواتير الصغيره زى الباسات وغيرها من موديلات فولكس وسيات وسكودا وغيرهم ، لسه بينزلوا بال 7 سرعات dry اللى بينزل من 2009

السؤال هل فولكس حلت مشاكل الفتيس ال dry ولا لأ ؟

لحد النهارده الإجابه لأ

المشاركة الأصلية كتبت بواسطة JapRuleZ

اعتقد والله اعلم ان ال 1.4 و audi و wet

1.4 تمام بس انهى فتيس وكام نقله ؟

يعنى مثلا ال Q3 نازله بال 6 نقلات ودا wet

اما ال A3 وال A1 ( ومؤخرا ال A4 الجديده ) نازلين بال 7 نقلات ودا حسب اللى لقيته عالنت ومن موقع audi نفسه انه dry

The ultra-compact seven-speed S tronic in the A1* and A3 weighs only about 70 kilograms (154.32 lb). Their two dry clutches do not need a separate oil supply, adding further to their efficiency

المشاركة الأصلية كتبت بواسطة M.Elwan

العربيه نازله بره موديلين core و premium
البريميوم نازله بالفتيس ٧ نقلات wet
الcore نازله ب٦ نقلات wet

ال٧ نقلات dry انتاجه مازال مستمر وممكن ينزل في في الباسات لو تم طلبه طبقا لسياسة الوكيل المحلي التسويقيه
يعني الطبيعي انه مينزلش مصر بس لو الوكيل بعت للشركة الام قالهم انا مش عاوز باسات بالفتيس الwet والسوق هنا في مصر طالب الفتيس ال٧ نقلات dry فولكس حتبعتله العربيه اللي هو طالبها


http://www.nilemotors.net/Nile/474894-dsg-2.html

مش مهم اسم الفئه المهم فيها موتور ايه

بالنسبه لمواتير البنزين في الباسات الجديده

1.4 ال 125 حصان وال 150 حصان نازلين بال 7 نقلات ، 1.8 ال 180 حصان 7 نقلات

2.0 ال 220 حصان وال 280 حصان 6 نقلات

ال 6 نقلات اكيد wet اما ال 7 نقلات فحسب المعلومات اللى لقيتها ع النت ومن مواقع فولكس نفسها انه dry بالنسبه للمواتير اللى عزمها تحت ال 250 نيوتن والكود بتاعه DQ200 ، وفى موديل تانى 7 نقلات wet للمواتير اللى عزمها فوق ال 500 نيوتن الكود بتاعه DQ500 ودا بينزل في الباسات الجديده مع موتور 2.0 ديزل 240 حصان 500 نيوتن

وفى نوع تالت لسه نازل السنه اللى فاتت 7 نقلات wet الكود بتاعه DQ380 بينزل مع المواتير اللى عزمها مش أقل من 380 نيوتن

يعنى لحد دلوقتى مفيش 7 نقلات wet للمواتير الصغيره

أخيرا ماينفعش الوكيل في مصر يطلب فتيس wet بدل dry او العكس ، كل موتور وليه الفتيس المناسب ليه واللى بيحدد الحاجات دى الشركه الأم والمصنع مش الوكيل ، والا كان طلب فتيس تبترونيك عادى خالص ويريح دماغه