العربي جروب : قالي لي شكراً على ثقتك بطريقة عملية

**DreAmO** · 03-11-2015 06:43 PM

السلام عليكم ورحمة الله وبركاته

الأمس تفاجئت بإتصال من خدمة عملاء العربي جروب
بنت لطيفه بترحب بيه .. وبتسألني عن حالة التكييف شارب اللي عندي
لأني كنت طلبت صيانه له من شهر تقريباً ..

قولتلها تمام الحمد لله

مع العلم انهم عملوا صيانه للتكييف وكان ضمانه منتهي من الشهر السابق
وإتفاجئت ان العملاء ليهم شهر إضافي بعد إنتهاء الضمان .
( مش زي شركات تلابط مع العميل وهو لسه شاري الجهاز امبارح )

البنت قالتلي طيب إحنا هنبعت لحضرتك مكواه فيلبس هدية مجانيه من العربي جروب
وهتوصلك مع شركة شحن ميدل ايست خلال يومين بدون أي مصاريف عليك .. لان حضرتك عميل مميز .

وأنا لا مميز ولا حاجه .. انا كل اللي عندي تكييف شارب وشفاط توشيبا

طبعاً شكرتها وكده

اليوم لقيت شركة الشحن بتتصل بيه وجابولي المكواه دي

لما عملت بحث عن المكواه .. لقيت الاصدار الثاني للموديل بتاعها ب 425 جنيه

يعني المكواه مش أي كلام .. لأن عندهم مكواه ب 175 جنيه كان ممكن يبعتوهالي مثلاً

لكن هما أثبتوا انهم ناس محترمين بجد وبيحترموا العميل

واثبتوا عملياً يعني ايه خدمة ما بعد البيع .. وقالولي شكراً على ثقتك بجد مش بإعلان

حتى لو كانت المكواه دي ب 10 جنيه .. فالموقف نفسه محترم

زي ما بنيجي هنا ونكتب مواضيع عن مواقف سلبيه
واجب علينا نيجي هنا ونكتب المواقف الإيجابيه

شكراً .

**acura** · 03-11-2015 07:02 PM

امر غريب حقا
امال ايه كم الشكاوى اللي مالي النت عن سوء خدمة عملاءهم؟

**DreAmO** · 03-11-2015 07:15 PM

المشاركة الأصلية كتبت بواسطة acura

امر غريب حقا
امال ايه كم الشكاوى اللي مالي النت عن سوء خدمة عملاءهم؟

طول الخمس سنوات فترة ضمان التكييف .. كنت اتصل بالليل الاقي الفني بيكلمني ويجي تاني يوم الصبح

عدا اخر مرة لأول مرة الصيانه تتأخر وجالي بعد 19 يوم .. بسبب موجة الحر والضغط الشديد على الفنيين

والحمد لله التكييف تمام وماشوفتش منهم اي حاجه وحشه .. بالعكس .. خدمة ممتازة .

وعلى فكرة المكواه مصنوعه في أندونسيا .. مش الصين ولا مصر .

**mk3** · 03-11-2015 07:47 PM

انت بتشترى من تاجر ولا من منفذ العربى
وكلا الاحوال فين

**miam0502788391** · 03-11-2015 07:58 PM

ممممممممممممممممممممممممم
!!!!!!!!!!!!!!!!!!!!!!!!!!!!!!!

**DreAmO** · 03-11-2015 09:51 PM

المشاركة الأصلية كتبت بواسطة mk3

انت بتشترى من تاجر ولا من منفذ العربى
وكلا الاحوال فين

التكييف شارب اشتريته من المصريه جروب
والشفاط توشيبا بتاع المطبخ اشتريته من شارع عبد العزيز
ده من خمس سنوات .. وما اشتريتش اي حاجة تانيه من منتجات العربي

وأعتقد سبب الهديه .. هو اني في اخر مره اشتكيتهم في قسم الشكاوي التابع ليهم اكتر من مرة
بسبب تأخر الصيانه اللي وصل ل 19 يوم .. وكانت شكوتي شديدة اللهجه جداً جداً جداً .. وموثقه بالتواريخ والمكالمات وصور والمواعيد اللي كانوا بيدوهالي ومايجيش الفني فيها
وعالفيس في صفحتهم .. و لمحت بجهاز حماية المستهلك والضمان والفواتير وفيديوهات وتسجيل مكالمات الخ .. عملتلهم تلبك معوي .

وبوليصة الشحن مكتوب عليها ( توشيبا : إدارة تميز العملاء والشكاوي )

لكن شهادة حق .. كانت أول مرة يتأخروا عليه في الصيانه .. واول مرة يدوني مواعيد ومايجيش فيها الفني

ورغم انه موقف سلبي .. الا ان في قصاده عشرات المواقف الإيجابيه منهم
وفعلاً هما ناس محترمه والفنيين بتوعهم محترمين جداً .

**طارق _عبد السلام** · 03-11-2015 09:55 PM

تصرف ايجابى جدا ويشكروا عليه

**Mecha** · 04-11-2015 03:57 AM

مش ممكن ابدا!!!!!!!!!!
الشركه دي في مصر ولا امريكا
ناس محترمين فوق الوصف
ربنا يكتر منهم ويفتح عليهم

**cameeron** · 04-11-2015 06:17 AM

اييييه ده كله اييييه ده كله بصوت محمد صبحى.....................
هما عيانين و الا ايه هههههههههه
ليه الخسارة دى ؟ مش كده الشركة ممكن تفلس و الا ايه بعد المكوة القيمة اللى اتبرعوا بيها دى.......
نتمنى ان يكون دائما هو ده اسلوب التعامل و مع كل العملا و من غير العميل ما يشخط فيهم
ربنا يهدى..............

-

الموضوع: العربي جروب : قالي لي شكراً على ثقتك بطريقة عملية

LinkBack

أدوات الموضوع

عرض

العربي جروب : قالي لي شكراً على ثقتك بطريقة عملية - انشر الموضوع فى :

-

-

-

-

-

المواضيع المتشابهه

ما مدى ثقتك بسيارتك في السفر لمسافات طويلة ؟؟؟

شكراً نايل موتورز ، شكراً جينز كار !!

تحذير: لاتضع ثقتك بالتوكيل و تأكد من سيارتك بنفسك بعد الصيانة

شكراً مهندس عاطف و شكراً هيونداي

الكلمات الدلالية لهذا الموضوع

المفضلات

المفضلات

ضوابط المشاركة