السلام عليكم
أنا معايا الماروتى كانت زيرو و عامل بيها فوق ال 80 ألف كيلو. لسه يدوب شارخة الرادرياتير النهاردة.
سافرت بيها اسكندرية كتير - أنا فى التجمع - و المنوفية كتير و السادات...مشيت بيها عالصحراوى و و كل يوم لحد هذا اليوم بعدى بيها ال 110 و أنا رايح الشغل (مش اعتراف حلو بس الواحد بيكون مستعجل و الطريق يسمح و إلا فلا)
علو الماروتى مش فارق عن الألتو. صيانة الماروتى أسهل و قطع غيارها فى كل مكان.
المفاجأة اللى محدش بيتكلم عنها هيه إن الماروتى أوسع من الألتو و أوسع من السويفت كمان!!!!
هيه تبان صغيرة بس عشان مش منفخة من جوه فالصالون فعلا أوسع. ممكن حضرتك تجربيها عند أى معرض سوزوكى!!
من المميزات اللى برضه محدش بيجيب سيرتها إن الماروتى - رغم الكركرة الخفيفة عند القرص عالدواسة لكن - بتاخد بنزين 80 عادى (المفروض إنه 85 بس مفيش فى مصر) و كده هيه أوفر كتير
الفرق الوحيد هوه إن الألتو فيها تكييف. يعنى تكييف بما يزيد عن 20 ألف جنيه! هوه صحيح الماروتى مينفعش يركبلها تكييف من غير ما يقصف عمرها لكن برضه المبلغ كبير أوى!
و أتمنى لك التوفيق
المفضلات