بخصوص تغيير الكاوتش الروسى الفابريكه ل 2107 بجديد

**mohsal** · 09-11-2015 01:00 AM

دلوقتي عربيتي اللادا 2107 موديل 2009 لسه راكب فيها كاوتش الفابريكه الروسى الصنع يعني بقاله حوالي 7 سنين من تاريخ التصنيع الاربع عجلات والاستبن وعامله 36 الف كيلو انا مش حاسس باي مشكله من الكاوتش وبتاكد من ضغط الهواء كل شهر وممكن ازود وممكن لا على حسب انا معظم مشاويرى على الطرق السريعه كنت بظبط زوايا والصنايعى قاللى ان الفرده اللى قدام ناحيتى فيها كسره وقاللى ان انقل الفردتين اللى ورا احطهم قدام والعكس مع ابدال الفرده المعيبه بالاستبن وحسيت بعدها بفرق كبير فى سحب العربيه وثباتها وقاللى ممكن الكاوتش يمشيك شويه كمان الصراحه من ساعتها انا ماشي حوالي 5000 كيلو ومفيش اى مشاكل ولسه النقشه اللى على الكاوتش بارزه وكويسه فهل اغير فعلا الكاوتش وكفايه كده ولا اخليه لحد ميجيب اخره انا اعتقد ممكن بالمرتاح امشى بيه 10000 كيلو كمان ياريت النصيحه

**ahmedsrs** · 09-11-2015 04:54 AM

لو مابتسافرش بالعربية كمل اربع الاف وغير الفرد كلها لكن لو بتسافر مسافات غير الفرد فورا

**svneleven** · 09-11-2015 09:20 AM

حضرتك مش هتعرف ان الكاوتش اللي عندك ده خطر جدا غير اما تجيب 4 فرد جداد و تحس بفرق الفرامل و العفشة.

**abokoko** · 09-11-2015 10:53 AM

العمر الافتراضي للكاوتش متوسطه خمس سنوات من تاريخ الانتاج حتي لو مشي الف كيلو بس
امن نفسك واشتري جديد
وانصح حضرتك بميشلان اولا وبردجستون ثانيا

**mif** · 09-11-2015 03:56 PM

الروس بيصنعوا الكوتش بمواصفات مختلفة شوية عن باقى الدول تخليه عمره فعلا طويل جدا بشكل عجيب.... تحس انهم بيعملوه بمواصفات العربيات العسكرية .
المهم .... طالما الكاوتش مش مزعلك امشي بيه براحتك .... و غير الاستبن بواحد جديد بس دلوقتى
و شيك عليه باستمرار و غير جوزين جوزين علشان مايبقاش تكلفة عليك .

**mohsal** · 10-11-2015 10:48 PM

اشكر كل من نصحنى وقدم المساعده انا شايف طالما الكاوتش مش محتاج نفخ كل شويه مفيش بالونات او شقوق والنقشه لسه بارزه والله بمشى بيه على 140 من غير اى رعشه او رجرجه فممكن يمشينى كمان لحد ماربنا يسهل واجيب جديد