الموضوع: نفسى اجيب 406 وخايف ياريت حد يساعدنى

ناس كتير خوفونى منها واحد يقولى الكمبيوتر بتاعها بيخرف وواحد يقولى الفتيس بتاعها بيبوظ على طول واللى يقولى قطع الغيار غير متوفره وغاليه نار فى التوكيل ياريت لو حد عنده فكره يقولى اعمل ايه وهل فيه موديلات معينه جيده والشكر مقدما لكل من سوف يساعد بأى معلومه

سلام عليكم
العربية 406 2004 كانت معايا لمدة سنة عداد اقل من100000
و هيا سليمة مش حتركب زيها
خلال السنة الصبانات غير الدورية
غيرت كوعة تبريد
spark plugs مرتين اصلي
طرمبة بنزين
و عمرة فتيس
التكلفة 5000
و بعتها اقل 5 الاف

المشاركة الأصلية كتبت بواسطة shenawy0

سلام عليكم
العربية 406 2004 كانت معايا لمدة سنة عداد اقل من100000
و هيا سليمة مش حتركب زيها
خلال السنة الصبانات غير الدورية
غيرت كوعة تبريد
spark plugs مرتين اصلي
طرمبة بنزين
و عمرة فتيس
التكلفة 5000
و بعتها اقل 5 الاف

عملتها عند مين يا باشا ؟ الفرق قبل و بعد العمرة كان عامل ايه ؟ و بعتها بعد العمرة بأد ايه ؟

الصفحة برة مليانة مواضيع عن ال 406 بس انا داخل اعلق على اللى بيفتو بدون علم

أسألهم على اسعار قطع غيار زى ايه غالية

نقطة تانية القطع الغيار الصينى لها بقت موجودة و لو عايز تعاملها كعربية صينى مش كورى حتى دا متاح بس لا ينصح طبعا

العربية فيها فعلا مشكلة فى الفتيس الاوتو لموديلات معينة لو ما كنتش بتحافظ على تغيير الزيت و ليها حل ان شاء الله

لو العربية سليمة فعلا لا يفوقها سوى المرسيدس و مش كل المرسديس كمان !!!

المشاركة الأصلية كتبت بواسطة تامر.محمد

اي فتيس ما يتغيرلوش زيت بياخد وقت و بيبوظ ......... ده طبيعي جدا و كان لسه حد امبارح بيتكلم على الاوكتافيا في النقطة دي , برده لما ما يتغيرش زيت الفتيس في معاده او بزيت غلط بيحصل مشاكل في الفتيس ......... ده الطبيعي

للاسف اللى كان مشهور وقتها للعربيات دى ان زيت الفتيس بيتزود فقط...يعنى مش بيتغير....و الادهى ان النصايح كانت جاية من الشركات المصنعة....بس فاقو متاخر و قال لك تغير كل سنتين او 60 الف او نصف المدد لظروف التشغيل القاسية

بس غير موضوع انك مش بتغير الزيت الاستخدام بيفرق جدا لان فى ناس من لحظة ما جابت العربية ما غيرتهوش و موديلات قديمة و العملية ماشية فاكيد استخدامها هادى...خصوصا ان الموتور بيشجع على الشد و الجرى

....المهم....هتجيب ال 407 امتى ؟ :)

عملتها عند واحد اسمو حمدي اوتوماتك في اسكندريه علئ ما اتذكر لان الكلام دا كان في 2011
بعد العمرة رجعت لطبيعتها
بس الي عرقتوا ان الي اشتريت منه صلح الفتيس بردو قيل مشتريها
و انا بعتها بعد العمره بكذا شهر

هو مافيش منها مانيوال واى موديلات فيها مشاكل فى الفتيس واعرف ازاى

المشاركة الأصلية كتبت بواسطة freeman12581

هو مافيش منها مانيوال واى موديلات فيها مشاكل فى الفتيس واعرف ازاى

فى منها مانوال بمكن 1600 (مواصفات اوروبى بدون مكيف) و 1800 و 2000 سى سى و دا مفيش منه مشاكل فى الفتيس

مشاكل الفتيس غالبا فى المودلات الاوتو قبل 2003 و مش كل السيارات....الاستخدام و الصيانة يفرقو قوى

تعرف عن طريق كشف فى الوكيل او مركز حدمة محترم و سهل اوى تقلب الاوتوماتيك مانوال بس بتفقد ميزة كبيرة فى العربية

منتظر المزيد من اصحاب الخبره