هل يوجد مانع لوضع استيكرات على السيارة ام لا !!!

**ZALABANY** · 23-11-2008 07:41 AM

أيوه يعني اخد الخمسين جنيه وادالك ايصال ولا اخدهم في جيبه وانت مشيت

**aratux** · 23-11-2008 09:23 AM

بمناسبة الموضوع ده

فى الأردن برضه الملصقات دى ممنوعة
تقوم تلاقى الشباب مفيم الزجاج اللى ورا و حاطط عليه صورة الملك بتاعهم
مافيش عسكرى يقدر يفتح بقه

**MIS** · 23-11-2008 03:40 PM

المشاركة الأصلية كتبت بواسطة zalabany2007

أيوه يعني اخد الخمسين جنيه وادالك ايصال ولا اخدهم في جيبه وانت مشيت

+222222222

+
فيها حاجة لو علقت استيكر علي الباب زي عربيات السياحة كدا !

**Terrible_DaRsH** · 23-11-2008 05:14 PM

المشاركة الأصلية كتبت بواسطة zalabany2007

أيوه يعني اخد الخمسين جنيه وادالك ايصال ولا اخدهم في جيبه وانت مشيت

يا سيدى العربية متاجرة يعنى المكتب اللى بيدفع المخالفات مش انا
وكمان لولا الغبي اللى كان معايا ده ماكنتش هدفع حاجة ..
هو خد بيانات الرخصتين و ال 50 جنيه وانا رحت طاير من غير وصل ولا زفت ...لان اناكنت راكن بعد الكمين بكتير ..

**M.Osman** · 24-11-2008 12:31 AM

المشاركة الأصلية كتبت بواسطة the_terrible

انا قراته مرة كمان ...
معلش يمكن مخدتش بالى من باند منع وضع استيكرات على السيارة ...
بس اللى لفت نظرى الباندات دى ..

2- استعمال الأنوار العالية المبهرة للبصر والمصابيح الكاشفة علي وجه مخالف للمقرر في شأن استعمالها
(ده الزينون) اوك 100 % ..

مادة 69- لا يجوز تركيب أجهزة تنبيه أو مصابيح بالمركبة بالمخالفة لأحكام هذا القانون أو القرارات المنفذة له، كما لا يجوز تركيب سرينة هوائية أو ما يماثلها من أجهزة وإلا جاز في جميع هذه الأحوال ضبطها والحكم بمصادرتها
دى سارينة البوليس وما شبه ذلك .. اوك 100%

ملاقتش منع وضع الاستيكرات برده ...

____________________
اصل الحكاية كلها .. ان من 3 ايام صاحبي كان مأجر OCTAVIA وخدتها منه وطلعت على صلاح سالم الصبح الساعه 10.30 ولاقيت الكمين اللى مبيتغيرش ده ...
لاقيت الامين بيقولى اركن على جمب ..

قلت اليوم بان من اوله ...
الحوار كان كالتالى ....
انا : فى ايه يا سيدى !!
هو :ملصقات يا باشا !!
انا :فين الملصقات دى !!
هو :اهه يا باشا !!
انا :بصيت وانا مندهش ومش لاقى اى ملصقات !!
هو :الكلمه اللى محطوطه ورا يا باشا والفاميه اللى قدام !!
انا :اولا دى كلمه صغيرة جداااا ومش باينه اصلاو مردتش اقوله ان العربيه متأجرة وكمان مفيش فاميه ولا حاجة !!
هو :لالالا دى تعتبر ملصقات والشماسه اللى على الزجاج دى تعتبر فاميه !!
انا :طب عايز ايه يعنى !!
هو :روح اتكلم مع الباشا فى العربيه !!
رحت للباشا اللى كان مسطول ونايم فى العربية !! وكان الحوار كالتالى ..
انا :صباح الخير ..
هو :اهلا اهلا ( وكانه كان منتظرنى من يومين ولا حاجه )..!!
انا :يا باشا الامين ده بيقول ان فى ملصقات وفاميه ومفيش حاجه من الكلام ده موجود!!
هو :يعنى هو هيكذب !!
انا :قوم عاين بنفسك !!
هو :قعد يضحك وقال كله يا حبيبي 50 جنيه بس !!
انا :مش عارف اقل ادبي ولا اعمل ايه ولا اتصل بحد يشيل له الكمين ده!!
مصلقات 30 جنيه والشمسيه دى ب 20 جنيه !!
انا :مش هدفع حاجة ورحت شايل الكلمه اللى محطوطه ورا ..
هو :انت كده هتعمل قلق وتخلينا ناخد منك الرخصة نهائي !!
قام واحد صاحبي دافع ال 50 جنيه الجباااااان منه لله ..ومشيت من غير ما يشوف الرخصه حتى !!!!!

فعايز اشوف الباند بتاع الاستيكرات ده موجود ولا لا !!
لو موجود هعتبرهم شويه قطاع طرق واقفين فى الشارع والحكومه بتحميهم
ولو مش موجود هعرف اتصرف معاهم ..

ممكن نستنج من كلامك نوعية الناس المحترمين اللى وزارة الداخلية معيناهم فى المرور !! :(

**amirhamed** · 24-11-2008 12:40 AM

يوجد مانع لوضع استيكرات على السيارة طبعا طبعا طبعا وانت وظروفك مع اللجنه

**red_elantra** · 24-11-2008 01:00 AM

هو انا لوحطيت استيكر انا بحب الحكومة والريس والحياة زى الفل والبلد مية مية ....ممكن يوقفونى ويقولى ملصقات بردة؟؟؟؟

**Terrible_DaRsH** · 24-11-2008 01:07 AM

المشاركة الأصلية كتبت بواسطة amirhamed

يوجد مانع لوضع استيكرات على السيارة طبعا طبعا طبعا وانت وظروفك مع اللجنه

انا عارف بس عايز الباند بتاع الاستيكرات ده مش اكتر ..

المشاركة الأصلية كتبت بواسطة SuccessCre8or

ممكن نستنج من كلامك نوعية الناس المحترمين اللى وزارة الداخلية معيناهم فى المرور !! :(

هما محترمين فعلا .....
3 امناء شرطة او محصلين زى ما بيسموهم بيوقفوا اى عربية عليها اى مخالفات والتحصيل مع الباشا اللى نايم فى عربيه البوكس ..
بس يا جماعه انا شلت الاستيكر وكان صغير اووووووووووى
انا نفسي مكنتش شايفه علشان كده انا مدايق ,,