عايز رأيكوا بعد إذنكوا

**Wael Elesawey** · 21-11-2015 01:44 PM

انا كنت بى إمواى كان معايا e90 316 2006 و معرفتيش اعيش بيها علشان المانيوال و بعديها جيبت e46 2005 و ديه طلعت عيني وقفت تتصلح اكتر ما كنت بركبها لحد ما بيعتها و خسران فيها اكتر من 15000 ألف جنيه جيبت بعديها اسكودا فانتازيا 2013 إليجانس كامله من كله بس مش عارف اتعامل مع موتورها 1600 ضعيف بس حالة العربية ما شاء الله تشفعلها المهم واحد صديق معاه e39 525i 2003 ناوي يبيعها فعرضها عليا انا الصراحة نفسي فيها من قبل ما اجيب الاسكودا بس التجربة بتاعة e46 مخلياني خايف اركب bmw قديم تاني و خصوصا ان الفرق 10 سنين في الموديل مع العلم ان صديقي مظبط عربيته لنفسه بس هو بيبعها علشان محتاج فلوسها هو عايز فيها 150 الف هو صارف عليها كتير الصراحة زي 30000 جنيه
المشكله انا مش عارف اخد القرار اسيب الاسكودا اللي بنزل اركب و امشي و مش بقرب من التوكيل غير في مواعيد الصيانة و اضحي بالموديل العالي و ارجع لمعشوقتي الملكة e39 موديل 2003 و نفسي مرجعش اقف عند ميكانيكي تاني و اسيب العربية باليوم و اليومين و ساعات اكتر ,,,,,,,,,
ارجو منكم يا أهل الخبرة الافادة علشان انا في حيرة من أمري و الله المستعان .

**Amr_650** · 21-11-2015 02:33 PM

ال e39 عربية ممتازه - قويه - جميلة - مريحة - قطع غيار مناسبة - برستيج طبعا -- بس السن بيفرق برضو .. يعنى انا بمعدل كل شهرين لازم اصرف عليها و مينفعش تركبلها قطعه غيار اى كلام و لا ينفع تسكت على اى عطل فيها او حتى بدايه عطل يأما هتزعلك ..الفتيس لازم تكون متاكد منو 100% ..

بصراحة انا حاسس انى كبرت و مبقتش مستحمل مرمطه الميكانيكية خالص فانا عارضها للبيع و ناوى اجيب اى حاجة من 2010 و انت طالع ...

العربية عندى لسة عارف امبارح انها عايزه تلاجة :(( و ما ادراك ما التلاجة .

**Wael Elesawey** · 21-11-2015 03:11 PM

المشاركة الأصلية كتبت بواسطة amr_650

ال e39 عربية ممتازه - قويه - جميلة - مريحة - قطع غيار مناسبة - برستيج طبعا -- بس السن بيفرق برضو .. يعنى انا بمعدل كل شهرين لازم اصرف عليها و مينفعش تركبلها قطعه غيار اى كلام و لا ينفع تسكت على اى عطل فيها او حتى بدايه عطل يأما هتزعلك ..الفتيس لازم تكون متاكد منو 100% ..

بصراحة انا حاسس انى كبرت و مبقتش مستحمل مرمطه الميكانيكية خالص فانا عارضها للبيع و ناوى اجيب اى حاجة من 2010 و انت طالع ...

العربية عندى لسة عارف امبارح انها عايزه تلاجة :(( و ما ادراك ما التلاجة .

يعني رايك افكني من حوار التغيير و خاليي في الموديل العالي و خلاص مش كده
شكرا علي مشاركتك و اهتمامك

**Wael Elesawey** · 21-11-2015 03:39 PM

في حد تاني ممكن يفيدني برأيه

**mohamedbook** · 21-11-2015 05:04 PM

انصحك بلاش فيه مثل شعبي بيقول (حمرتك العارجة ولا سوال الائيم ) والصنيعينة هيكفرو سياتك في التصليح وقلة قيمة وتضييع وقت وبهدلة وفتي وتجارب
خليك في الي انت ركبها احسن
انا كان معيا نيسان شريها زيرو 2010 بعتها بعدها بسنة عشان اشتري فولكس فاجين بورا 2002 كفرت سياتي والصنيعية باعو اشترو فيا لما كرهت العربيات وكنت عايز اولع فيها كل ده عشان الماني وموتور وركوبة والكلام ده وفي الاخر متغلطتش نفس الغلطة مرتين

**Wael Elesawey** · 21-11-2015 05:50 PM

المشاركة الأصلية كتبت بواسطة mohamedbook

انصحك بلاش فيه مثل شعبي بيقول (حمرتك العارجة ولا سوال الائيم ) والصنيعينة هيكفرو سياتك في التصليح وقلة قيمة وتضييع وقت وبهدلة وفتي وتجارب
خليك في الي انت ركبها احسن
انا كان معيا نيسان شريها زيرو 2010 بعتها بعدها بسنة عشان اشتري فولكس فاجين بورا 2002 كفرت سياتي والصنيعية باعو اشترو فيا لما كرهت العربيات وكنت عايز اولع فيها كل ده عشان الماني وموتور وركوبة والكلام ده وفي الاخر متغلطتش نفس الغلطة مرتين

يا باشا تسلم كلامك مظبوط فعلاً و اقتنعت بيه و متشكر ليك

**amr011111** · 21-11-2015 06:40 PM

معظم البى ام القديم هيزهقك من العيوب اللى كل شويه تظهر. الاوكتافيا هتريحك اكتر بكتير. كفايه انك تسافر بيها او تخرج ببها وانت مطمن

**Wael Elesawey** · 21-11-2015 08:11 PM

المشاركة الأصلية كتبت بواسطة amr011111

معظم البى ام القديم هيزهقك من العيوب اللى كل شويه تظهر. الاوكتافيا هتريحك اكتر بكتير. كفايه انك تسافر بيها او تخرج ببها وانت مطمن

صح يا باشا كلام مظبوط الله ينور

**طارق _عبد السلام** · 21-11-2015 09:48 PM

معاك الهاى لاين وموديل قريب وبتركب وتمشى..وعربيه برستيج بردوا وقريب هتنسى فرق الموتور وطبيعى جدا ان تتخنق منه..وكنت زيك بالظبط بسبب الطلعه البطيئه لكن مع الوقت بتنسى وتتعامل مع العربيه وبتديك اللى انت عايزه......البى ام رائعه بس كتر خيرها...........خليك فى الاوكتافيا