مشكلة في حساس الشكمان

**Bahaa-azzam** · 22-11-2015 11:33 PM

السلام عليكم ورحمة الله وبركاته
برجاء المساعدة بخصوص هذا الموضوع
باختصار انا معايه اوكتافيا 2000 اوتوماتيك a4
ومن فترة حاسس ان استهلاك البنزين عالي جدا
اللتر بيعمل 7 كم
المهم .. رحت مركز كبير جدا وكشفت كمبيوتر قالي حساس الشكمان عايز يتغير
هل الحساس ده ممكن يكون السبب في استهلاك البزين ؟
وهل لازم اغيره ولا ممكن يتنظف ؟
و يا ريت اعرف هو مكانه فين في العربية لو عايز انظفه بنفسي
يا ريت كمان لو فيه اي صور لتوضيح مكانه
آسف للاطالة
وجزاكم الله كل خير

**tameem2010** · 22-11-2015 11:49 PM

لو حساس الشكمان فيه حاجة كانت لمبه الاعطال نورت
عموما حساس الشكمان ده زي المراجع للعربيه
بيقيس نسب الغازات في العادم وبناء عليه لو فيه مشكله في الحرق بيدي الامر للكنتورل عشان يظبط نسب خليط الهواء والوقود عشان الحرق يكون مظبوط وعشان كده اسمه حساس اكسجين

لو بتاكل بنزين عادة بتبقى مشكلة في الانجيكشن مش حساس الشكمان خاصة ان لمبة الاعطال منورتش

عموما حساس الشكمان لو فيه مشكلة فعلا العربية هتاكل بنزين انما لازم لمبة الاعطال تنور
لان لمبة الاعطال بتشتغل بالاساس على الحساسات بتاع العربية

**Mecha** · 23-11-2015 03:16 AM

مش بالضروره لمبة الاعطال تنور مع عيب حساس
المهم قريت التقرير وفيه حساس الشكمان؟؟
وحساس الشكمان ممكن فعلا يزود الاستهلاك
وبيكونوا واحد او اتنين
واحد في فرن الشوكمان والتاني في ماسورة العادم
وممكن يتنضف موقتا ، بتحله وبفرشه سلك تشيل
الكربون من حوالين اخرام الجزء السيراميك
والافضل تغييره لانه موءثر جدا
وممكن العيب في الفيشه او السلك

**Mecha** · 23-11-2015 03:18 AM

مش بالضروره لمبة الاعطال تنور مع عيب حساس
المهم قريت التقرير وفيه حساس الشكمان؟؟
وحساس الشكمان ممكن فعلا يزود الاستهلاك
وبيكونوا واحد او اتنين
واحد في فرن الشوكمان والتاني في ماسورة العادم
وممكن يتنضف موقتا ، بتحله وبفرشه سلك تشيل
الكربون من حوالين اخرام الجزء السيراميك
والافضل تغييره لانه موءثر جدا
وممكن العيب في الفيشه او السلك
والمهم في النهايه مسح الكود المسجل

**Bahaa-azzam** · 23-11-2015 06:29 PM

اولا اشكركم للافادة
و فيه رسالة بتظهر كل ما ادور العربية
Service now
هل الرسالة دي معناها ان الحساس لازم يتغير فعلا ؟
وهل لو غيرته الرسالة دي مش ها تظهر تاني ؟

**jannatravel** · 26-11-2015 09:08 PM

المشاركة الأصلية كتبت بواسطة bahaa-azzam

اولا اشكركم للافادة
و فيه رسالة بتظهر كل ما ادور العربية
service now
هل الرسالة دي معناها ان الحساس لازم يتغير فعلا ؟
وهل لو غيرته الرسالة دي مش ها تظهر تاني ؟

هذة الرسالة تنص على ان ميعاد عمل الصيانة قد حان وطناك طريقة لازالتها ممكن تبحث عنها عن طريق زرار ساعة التابلوة

**zokazok** · 28-11-2015 09:31 AM

بص يا فندم انا معايا ابيزا 98 و عندي حساس الشكمان عايز يتغير عندي انا كمان و اللي عرفني انه بايظ الموتور فيه ترتله و هزه و رعشه كبيره أول ما شيلت فيشة حساس الشكمان الرعشه بطلت و الموتور ظبط و هدي ف الميكانيكي قالي كدا حساس الشكمان عايز يتغير و لمغلوماتك يا فندم الكمبيوتر مقراش الحساس و أنا ماشي من غيره بقالي أكتر من 3 شهور و مافيش مشكله غير بشم ريحه العادم مش بيتحرق كويس و البنزين عندي كويس ف الاستهلاك
الأمر التاني الحساس بيبقا ع أول الفرن بتاع الشكمان اللي خارج م الموتور هو شكله عامل زي صباع البيجوهات و له سلك طالع بفيشه لو عرفت مكانه شيل الفيشه بتاعته و إمشي بالعربيه شويه و شوف الدنيا معاك ايه