سؤال عن الموتور الـ MPI 110hp

**kofta** · 21-11-2015 04:16 PM

كنت عايز اسأل على الموتور سحبه عامل ايه بيجمع بسرعة ولا تقيل و سير الكاتينة كاوتش و لا جنزير و هل فيه مشاكل مع الفتيس الـ 6 سرعات ولا تمام ؟
الصراحة كنت عايز اجيب سيات ليون 2016 و لقيت نازل فيها موتور 1.6 MPI بعد البحث لقيت انه موتور الاوكتافيا a7 الـ 110 حصان ...
فأيه رأي الملاك فهذا الموتور و الفتيس الـ 6 سرعات ؟؟
معلش يا جماعة على قلة خبرتى فى العربيات

**svneleven** · 22-11-2015 04:55 AM

كل مواتير ال سكودا بتبقي ضعيفة عليها عشان وزنها عدا ال 1.4 ال تربو مع الفتيس ال dsg اللي كله مشاكل. ال فتيس ال 6 سرعات ما فيهوش مشاكل المهم تهتم ب ميعاد تغيير الزيت. اعتقد ال موتور ده لو نزل علي ال سيات هيبقي معقول جدا.

**kofta** · 22-11-2015 12:23 PM

المشاركة الأصلية كتبت بواسطة svneleven

كل مواتير ال سكودا بتبقي ضعيفة عليها عشان وزنها عدا ال 1.4 ال تربو مع الفتيس ال dsg اللي كله مشاكل. ال فتيس ال 6 سرعات ما فيهوش مشاكل المهم تهتم ب ميعاد تغيير الزيت. اعتقد ال موتور ده لو نزل علي ال سيات هيبقي معقول جدا.

تمام .. يعنى الموتور ده على الـ a7 برضو ضعيف ؟؟

**svneleven** · 23-11-2015 04:58 AM

طبعا ضعيف علي ال a7 لكن هما نزلوه عليها اما حصلت مشاكل من ال فتيس ال dsg اللي كان معاه ال 1.4 tsi.

**kofta** · 23-11-2015 01:13 PM

المشاركة الأصلية كتبت بواسطة svneleven

طبعا ضعيف علي ال a7 لكن هما نزلوه عليها اما حصلت مشاكل من ال فتيس ال dsg اللي كان معاه ال 1.4 tsi.

مممم طب و الكاتينة بتاعته جنزير ولا كاوتش ؟؟

**JapRuleZ** · 23-11-2015 07:58 PM

انا رأيى متفكرش فى سحب مع المانى الا اذا كان تربو
خصوصا ان الكورى دلوقتى شد حيله
اليابانى بيكون اختيار موزون بالذات الكورولا و السيفيك
انا شوفت يارس 1300 بتطلع من جيتا mpi كذا مرة فما بالك بال 1600
و تظبيط ال stability اسهل بكتير من تظبيط موتور و سحب

**kofta** · 23-11-2015 08:14 PM

المشاركة الأصلية كتبت بواسطة JapRuleZ

انا رأيى متفكرش فى سحب مع المانى الا اذا كان تربو
خصوصا ان الكورى دلوقتى شد حيله
اليابانى بيكون اختيار موزون بالذات الكورولا و السيفيك
انا شوفت يارس 1300 بتطلع من جيتا mpi كذا مرة فما بالك بال 1600
و تظبيط ال stability اسهل بكتير من تظبيط موتور و سحب

ممم بس بتهيألى على الليون هيبقى كويس ولا هيبقى تقيل برضو .. انا كدة بدأت اقلق :D
و ده صورة للموتور على الليون

**Hosam_Optrawy** · 24-11-2015 05:35 PM

اعتقد الموتور هايكون مناسب جدا لليون مقارنة بمعظم العربيات ال 1600 اللى في السوق

التسارع أعتقد في حدود 11-11.5 ث

ودا رقم أحسن من الأسترا والفانتازيا والعربيات اللى بيتقال عليها تقيله

**kofta** · 25-11-2015 01:34 AM

المشاركة الأصلية كتبت بواسطة hosam_optrawy

اعتقد الموتور هايكون مناسب جدا لليون مقارنة بمعظم العربيات ال 1600 اللى في السوق

التسارع أعتقد في حدود 11-11.5 ث

ودا رقم أحسن من الأسترا والفانتازيا والعربيات اللى بيتقال عليها تقيله

فعلاً مكتوب فى البروشور 11.4 ثوانى من 0 الى 100
طب و هل فيه مشاكل فى الموتور ده ؟ احد الجروبات كانوا كاتبين انه كان نازل بعيب بترس الكامة فهل ده صحيح ولا ايه ؟ و الكتينة بتاعته جنزير و لا كاوتش ؟

المشاركة الأصلية كتبت بواسطة japrulez

سوأل مهم
لماذا الاصرار على الليون ؟ انا شايف ان السبب ممكن يكون الشكل و الصالون الداخلى
هل فى سبب تانى ؟

قولى 3 حاجات مهمه تحب تكون فى عربيتك

بصراحة هى عجبانى عشان هاتش باك و شكلها مناسب و كمالياتها كتير و سعرها كويس عربيات كتير مش بنفس كمالياتها و غالية و فى نفس الوقت شبابى ده غير انها اسبانى المانى يعنى اركبها ديه و لا اركب كورى ولا امان و لا ثبات .. انا كنت عايز اجيبها بالموتور الـ 1200 تربو بس مبقتش تنزل بيه اخرها كان 2015 من 2016 بقت 1600 و بفتيس عادى 6 سرعات .. و سبب كمان انا كنت راكب بي ام دبليو و بصراحة بعتها كانت مانيوال و قطع غيارها غالية فهنزل منها عايز احس انى راكب برضو عربية اة هتبقى اقل منها حبة بس ابقى مرتاح نفسيا فيها و كمان تبقى صغيرة على قدى كدة :d و لو فكرت فى جولف الجولف غالية عليا لانى عايز اركب زيرو مش مستعمل فملقتش غير الليون و ناس كتير شكروا فيها من كل حاجة امان و ثبات و كماليات و شكل ... و عملت تيست درايف من حوالى 6 شهور او اكتر كانت بموتور الـ 1200 تربو بصراحة الموتور مع الفتيس dsg كانت جبارة يوم بتدوس بتروح معاك مش بتقولك لأ و استجابتها سريعة جدا .... فعشان كدة انا عملت الموضوع ده لما نزلت بالموتور الجديد لانى معرفش عنه اى حاجة لما عملت بحث وجدت ان الـ mpi ده بتاع اسكودا و نازل فى الـ a7 فعايز اعرف فيه مشاكل مثلا جراي ولا تقيل استجابته سريعة ولا بطيئة و خصوصا مع فتيس الـ 6 سرعات