الموضوع: أفضل عربية زيرو في حدود من ١١٠ الف الي ١٢٥ الف

المشاركة الأصلية كتبت بواسطة hanyyacot

العفو يا فندم , بالنسبة للتقفيل انا معايا موديل 2015 وكنت سامع برضه ان فى مشاكل , بس والله من ساعة ما جبتها ومافيش حاجة ظهرت ولا فى اصوات تزييق ولا حاجة , ممكن بس تلاقى زراير تعلية الصوت فى المالتى تعلق مرة او اتنين , غير كده مافيش اى حاجة , عايز اقولك ان فى عربيات اغلى من كده بكتير وفيها مشاكل التزييق وكان عندى واحدة منهم , من الاخر مش هتلاقى حاجة تدايقك , وفى المقابل هتلاقى ثبات على الطريق هايل , سحب ممتاز , صاج تقيل مش لو حد زقه بصباعه يطبق زى باقى العربيات , العربية عالية عن الارض ف مافيش مشاكل مع المطبات.
وفى الاخر روح وشوف كل عربية من دول واقعد جواها واحكم لان كل واحد اكيد ذوقه مختلف عن التانى . وربنا يوفقك للاصلح

شكرًا جزيلا ، انت فعلا كلامك ده فادني جدا و طمني الي حد كبير ، ربنا يعمل اللي فيه الخير ان شاء الله

المشاركة الأصلية كتبت بواسطة a.roushdy

شوف الصنى الجديدة

شكرًا علي الرد ، لكن بصراحة الصني الجديدة كانت مع واحد صاحبي و كنت بشوف انها مش ثابتة و للأسف ده كان سبب انه قلب بيها ، هي واسعة و عائلية لكن صاجها و ثباتها قليل، أنا بصراحة بشوفها عربية حلوة جوة المدينة لكن علي الطرق السريعة خطر

أنا معايا جين2 من سنة و الحمد لله عمري ما سمعت فيها أي أصوات و لا أي مشاكل في التقفيل و كل 3 شهور بعمل الصيانة ب400 جنيه في عصام صفا و لكن آخر مرة غسل الماتور بالماء مما أدى إلى ظهور عيب في السارينه بتاعة السنتر و قالوا هنغيرها بس مش موجودة عندنا هنجبها من عز العرب و لسه لغاية الآن ما جاءت من 15 يوم

أنا معايا جين2 من سنة و الحمد لله عمري ما سمعت فيها أي أصوات و لا أي مشاكل في التقفيل و كل 3 شهور بعمل الصيانة ب400 جنيه في عصام صفا و لكن آخر مرة غسل الماتور بالماء مما أدى إلى ظهور عيب في السارينه بتاعة السنتر و قالوا هنغيرها بس مش موجودة عندنا هنجبها من عز العرب و لحد الآن مجبهاش الكلام ده من 15 يوم

ممكن تضيف ليهم كمان البونتو الايزي
انا جايبها من 7 اشهر والحمد لله لحد الان كويسة
مميزاتها اقل استهلاك بنزين , شكل مميز جدا , تقفيل افضل من الجين واللوجان والثبات فوق الممتاز
العيوب هي 77 حصان مش بتاعت شد مع الجن الفتيس محتاج معامله خاصة علشان يعيش معاك

متابع

المشاركة الأصلية كتبت بواسطة مايكل صفوت

أنا معايا جين2 من سنة و الحمد لله عمري ما سمعت فيها أي أصوات و لا أي مشاكل في التقفيل و كل 3 شهور بعمل الصيانة ب400 جنيه في عصام صفا و لكن آخر مرة غسل الماتور بالماء مما أدى إلى ظهور عيب في السارينه بتاعة السنتر و قالوا هنغيرها بس مش موجودة عندنا هنجبها من عز العرب و لحد الآن مجبهاش الكلام ده من 15 يوم

شكرًا علي الرد، معني كلامك ان العربية كويسة الحمد لله ، لكن المشكلة في التوكيل ، هل السارينة دي مش موجودة بره التوكيل كمان ، أنا فاهم انك متضطر تستني التوكيل علشان الضمان ، لكن سؤالي علشان المدي الطويل

المشاركة الأصلية كتبت بواسطة sherif0

ممكن تضيف ليهم كمان البونتو الايزي
انا جايبها من 7 اشهر والحمد لله لحد الان كويسة
مميزاتها اقل استهلاك بنزين , شكل مميز جدا , تقفيل افضل من الجين واللوجان والثبات فوق الممتاز
العيوب هي 77 حصان مش بتاعت شد مع الجن الفتيس محتاج معامله خاصة علشان يعيش معاك

أنا أوافقك ان البونتو عربية كويسة جدا ، ربنا يبارك لك فيها ان شاء الله ، لكن اعتقد انها اصغر شوية من الجين و خايف من توكيلها و قطع غيارها لأَنِّي اعرف ان قطع غيارها أغلي كتير عن الجين