رجاء خاص لخبراء ال 127 محتاج مساعدة حضرتكم

**Ahmed 2000** · 26-11-2015 07:29 PM

السلام عليكم
بعد تدوير و لف كثير و حسب الامكانيات المادية المتدنيه قررت اشترى 127 ان شاء الله , انا سمعت ان توب احسن حاجه بس للاسف محتاج حاجه 4 باب و نادر لما تلاقى توب 4 باب
لذلك الاختيار بين نصر و فيورا و سوبر فيورا , بس للاسف انا معرفش ايه الفروق بين الثلاثه ف لو ممكن حضرتكم تشرحولى الفرق و ايهما افضل
1- النصر
2-فيورا
3-سوبر فيورا
و متوسط السعر فى اذا كانت السياره فبريكة دواخل و ماتور و عافشه 75% على الافل من الاخر مش عايز جنيه مصروف
و الف شكر مقدما

**rotanamasoud** · 27-11-2015 12:45 PM

مش عايز احبطك بس زمان ركبت التوب والسوبر فيورا وتعبت
التوب افضل لاكن بعتها لانها 2 باب (بس الافضليه لمجرد وش السياره ملموم فقط)
لو قولنا انك حتجيبها متوسط1985 يعنى عمرها 30 سنه مش اقل باروما وشاسيه تعبان وعفشه سيئه جدا ومحرك غير عملى(كنت بسافر بيها)وقطع غيار مغشوشه
لاكن لو الماده هى السبب جيبها لاكن لو قارنت نفسك بواحد معاه عربيه غاليه(مش شرط غاليه اوى ) حتلاقى انت بتصرف اضعاف مصروفه

**Ahmed 2000** · 29-11-2015 05:22 AM

المشاركة الأصلية كتبت بواسطة rotanamasoud

مش عايز احبطك بس زمان ركبت التوب والسوبر فيورا وتعبت
التوب افضل لاكن بعتها لانها 2 باب (بس الافضليه لمجرد وش السياره ملموم فقط)
لو قولنا انك حتجيبها متوسط1985 يعنى عمرها 30 سنه مش اقل باروما وشاسيه تعبان وعفشه سيئه جدا ومحرك غير عملى(كنت بسافر بيها)وقطع غيار مغشوشه
لاكن لو الماده هى السبب جيبها لاكن لو قارنت نفسك بواحد معاه عربيه غاليه(مش شرط غاليه اوى ) حتلاقى انت بتصرف اضعاف مصروفه

كده و مش عايز , امال لو عايز تحبطنى هتقول ايه , عموما المثل الشهير بيقول حمارتك العارجه تغنيك عن سؤال اللئيم , و احسن من قرف المواصلات و تناكت سواقين المكروباصات و ارخص و احسن من سرقة التاكسى و اللف و الدوران بحجة الزحمة و الاشارات و لا الشتاء و المطر و البهدله , فيييينك يا حمارتى يا عارجه

**أحمد عادل fs** · 29-11-2015 06:28 PM

اخوك نفس الوضع ولضيق الظروف جبت 127 موديل 85 كانت عامله 5
هى الحاجه الوحيده ال كانت كويسه الماتور عشان كان خارج من عمره . بس للاسف صاحبها كان سئ فى اهتمامه بيها يعنى عوزه عمره صاج كامله وطقم كوتش وعفشه كمان كامله
انا عشان مكنش معايا فلوس جبتها وبصرف عليها واحده واحده
يعنى غيرت العفشه قدام وغيرت فردتين كوتش وطبعا فالسكه حدافه وسير دينمو وسلك دبرياج
بس اهى شيلانى وبظبط فيها وربنا يكرم

**Ahmed 2000** · 30-11-2015 05:55 AM

المشاركة الأصلية كتبت بواسطة أحمد عادل fs

اخوك نفس الوضع ولضيق الظروف جبت 127 موديل 85 كانت عامله 5
هى الحاجه الوحيده ال كانت كويسه الماتور عشان كان خارج من عمره . بس للاسف صاحبها كان سئ فى اهتمامه بيها يعنى عوزه عمره صاج كامله وطقم كوتش وعفشه كمان كامله
انا عشان مكنش معايا فلوس جبتها وبصرف عليها واحده واحده
يعنى غيرت العفشه قدام وغيرت فردتين كوتش وطبعا فالسكه حدافه وسير دينمو وسلك دبرياج
بس اهى شيلانى وبظبط فيها وربنا يكرم

ربنا يكرمك و يباركلك فيها و تركب الزيرو قريب ان شاء الله