الموضوع: استفسار عن مشكلة في موتور المياه والفلوماك

زن معناه حاجتين
الموتور شغال ومافيش ماية داخلة ليه blocked input flow
الموتور شغال ومافيش ماية بتطلع منه blocked output flow وده بيحصل لو فيه تسريب بسيط غير مرئى داخل الجدار من المواسير او فى الشطاف بتاع الحمام وده من عيوب الفلوماك انه علشان بفصل لازم تكون الماية مقفولة تماما ولا يوجد اى تسريب ولو بسيط
لكن اذا الماية بتكون ضعيفة جدا او مقطوعة المفروض يفصل فى خلال دقيقة
حاول تشيك على اى تسريب عندك او عند جارك
حاول تعمل ريسيت للاوتوماتيك وده عن طريق زرار هتلاقيه منور تضغط عليه شوية
تقبل تحياتى

المشاركة الأصلية كتبت بواسطة mecha

تمام ، الزن يعني ميه ضعيفه او مفيش
والفلوماك المفروض يحمي المتور ويبطله
والا ينحرق او يحرق الفحمه
ممكن جيرانك عندهم مواتير اشد
وممكن السكس بلف في سحب المتور بيهرب

جزاك الله خيرا كثيرا
انت فكرتني بحاجة مهمة, السكس بلف فعلا بايظ ووقت ما كان السباك بيركب الفلوماك قلتله يغيره. لكن حصل تأخير منه في التركيب وكنت مستعجل ويومها نسيت خالص السكس بلف وافتكرت دلوقتي لما انت قلتلي. يعني غالبا دي المشكلة.

انا دايما بتابع المشكلة بلاقيها في حالة ان مفيش ميه في المواسير. يعني ممكن اشغله يزن, فاقفله وافتح الحنفية اول ما ينزل ميه اشغله يشتغل عادي. هحاول اشوف موضوع السكس بلف دا ان شاء الله يحل المشكلة.

المشاركة الأصلية كتبت بواسطة lonedoctor

زن معناه حاجتين
الموتور شغال ومافيش ماية داخلة ليه blocked input flow
الموتور شغال ومافيش ماية بتطلع منه blocked output flow وده بيحصل لو فيه تسريب بسيط غير مرئى داخل الجدار من المواسير او فى الشطاف بتاع الحمام وده من عيوب الفلوماك انه علشان بفصل لازم تكون الماية مقفولة تماما ولا يوجد اى تسريب ولو بسيط
لكن اذا الماية بتكون ضعيفة جدا او مقطوعة المفروض يفصل فى خلال دقيقة
حاول تشيك على اى تسريب عندك او عند جارك
حاول تعمل ريسيت للاوتوماتيك وده عن طريق زرار هتلاقيه منور تضغط عليه شوية
تقبل تحياتى

جزاك الله خيرا.
هو انا وضحت ان فيه مشكلة في السكس بلف فعلا قديمة فكرني بيها الأستاذ Mecha

وارد يكون برضه فيه تسريب. بس صوت الزن مختلف عن صوت الموتور نفسه. يعني لو الموتور شغال وفيه حاجة بتسرب بيفضل يشتغل ويفصل عادي. من غير زن

الزن بيحصل بس في حالة ان مفيش ميه طالعه خالص. وبتفضل الزنه شغاله فترة طويلة لحد لما يكون فيه ميه في المواسير.

احيانا الزن بيكون الموتور واصله كهربا لكن الملف تقيل ولا يدور بسبب دخول بعض الاتربة او الحصى داخل جسم الموتور او المكان المحتوى على مروحة التبريد
ويحتاج الى صيانة وتنظيف وتشحيم

المشاركة الأصلية كتبت بواسطة lonedoctor

احيانا الزن بيكون الموتور واصله كهربا لكن الملف تقيل ولا يدور بسبب دخول بعض الاتربة او الحصى داخل جسم الموتور او المكان المحتوى على مروحة التبريد
ويحتاج الى صيانة وتنظيف وتشحيم

انا لسه عامل صيانه من اربع شهور قبل ما اركب الفلوماك. لكن حصل مشكلة بعد لما ركبته ان ماسورة جار في المنور ضربت وغيرت الفلوماك لانه اتحرق فوارد طبعا المشكلة دي تكون اثرت على صيانة الموتور.

هل مازال رأي حضرتك اني افكه واوديه صيانة افضل؟