المشكلة فين

**عماد تامر** · 29-11-2015 09:58 PM

عندي مشكلتين في العربية مش عارف سببهم الاولي لما اكون ماشي وفي اخر الغيار الثاني واول ما ارفع رجلي من على البنزين علشان اغير للتالت اسمع صوت خبطه جامده .
المشكلة التانيه لما اكون طالع وبالف يمين او شمال ودايس بنزين جامد شوية باسمع صوت زنة جامده لحد ما اعدل العجل .
حد يعرف المشكلة فين ؟

**Mecha** · 30-11-2015 03:48 AM

شوف قواعد المتور

**pepo2011** · 30-11-2015 09:16 AM

القواعد ماتور وفتيس

**عماد تامر** · 30-11-2015 01:50 PM

والمشكلة التانيه بسبب القواعد ولا في سبب تاني

**عماد تامر** · 07-12-2015 10:09 PM

عاوز اغير قواعد الموتور بحاجه غير الصيني ايه ينفع واجيبها منين وسعرها كام وسعر الصيني كام عربيتي a15 2007

**Mohamed Desoky** · 08-12-2015 01:25 AM

يا عم عماد ما تدخل على قسم الشيرى عندنا وكل شىء موجود انا عندى شيرى a15 2009 المهم قواعد الموتور جولف 2 والعفشة كلها جولف بس المشكلة كل قطع الغيار اللى فى السوق مضروبة سواء الماتى اوصينى كلة مغشوش الافضل تجيب قطع الغيار من عند توكيل سعودى وربنا يوفقك

**عماد تامر** · 08-12-2015 02:00 PM

المشاركة الأصلية كتبت بواسطة mohamed desoky

يا عم عماد ما تدخل على قسم الشيرى عندنا وكل شىء موجود انا عندى شيرى a15 2009 المهم قواعد الموتور جولف 2 والعفشة كلها جولف بس المشكلة كل قطع الغيار اللى فى السوق مضروبة سواء الماتى اوصينى كلة مغشوش الافضل تجيب قطع الغيار من عند توكيل سعودى وربنا يوفقك

ادخل على قسم الشيري عندكم فين ؟ ما انا في قسم الشيري ولا تقصد في جروب تاني ؟
اجيب منين قواعد جولف 2 والسعر كام وهل البياع هايحتاج يشوف القديمه

**Mohamed Desoky** · 08-12-2015 03:40 PM

المشاركة الأصلية كتبت بواسطة عماد تامر

ادخل على قسم الشيري عندكم فين ؟ ما انا في قسم الشيري ولا تقصد في جروب تاني ؟
اجيب منين قواعد جولف 2 والسعر كام وهل البياع هايحتاج يشوف القديمه

السلام عليكم ورحمة الله وبركاته طيب يا عمده احنا زملة فى نفس القسم وفى موضيع كتير المهم انتى لقيت قعدة الموتور هيا اللى بايظه فكها وانزل التوفيقية مجودة عند بتوع الجولف زى مدنى اخوان وغيره خد القديمة معاك والمسامير علشان تتاكد من السن والاسعار كل يوم بسعر وانتى وشطارتك شكرا

**عماد تامر** · 10-12-2015 08:51 PM

انا من الصعيد وها اطلب من شخص يشتريهملي ويبعتهم لي والمساله هاتاخد وقت شويه لما افكهم وابعتهم وانتظر لحد ما يبعتلي الجديد علشان كده كنت عاوز اكون متاكد ان الجولف2 يركبو بدون مشاكل وتمنهم كام تقريبا علشان ابعتله الفلوس . الميكانيكي قال غير الطقم كامل احسن