العربية ركبها عفريت !!!
من حوالى 10 أيام دورت العربية الصبح درات عادى جدا من أول تكه وبعد دقيقة فصلت فجأة
عندى بوجيه شاكك ان بيجى عليه زيت بدلتله ببوجيه تانى واشتغلت تمام
بعدها بكام يوم اتكررت نفس الحكايه بس العربية مرضيتش تدور تانى خالص حتى بعد ما غيرت البوجيهات كلها
جبت الميكانيكى قالى قاطعه كهرباء وهات مشط جديد جبت الماريلى التركى الأصلى ب 150 جنيه وكنت عامل تقرير صيانه عنه هنا وركبه ودارت تمام بعدها
النهاردة الصبح دورت العربية دارت بمنتهى السلاسة وبعد نص دقيقة فصلت خالص
أحاول ادور المارش شغال عادى بس العربية مش راضيه تدور
فكيت سلك احد البوجيهات وجبت حته سلكه وحطتها فيه وقربتها من جسم الماتور علشان اشوف هتعمل شرزر ولا ايه وطلبت من جارى يدور مفيش اى شرزر بعد محاولتين ظهر الشرز والعربية كانت هتدور
ركبت سلك البوجيه مكانه وجيت ادور المارش بيشتغل ومش عايزه تدور
فكيت سلك البوجيهات تانى وحطيت السلك وجربت مفيش شرزر بعد محاولتين ظهر الشرز ودارت قبل ما احط سلك البوجيهات ومشيت كويس وروحت مشاويرى عادى ومفيش اى مشكلة
يطلع ايه ده بقى !!!
المفضلات