القول الفصل في اوبترا 2006

**kindman_egy** · 03-12-2015 05:44 PM

السلام عليكم و رحمة الله و بركاته
اخباركم ايه يا شباب؟
انا اتعرض عليا اوبترا ناس رشحتهالي بشدة و ناس حذرتني منها بشدة.
قولت اعرضها هنا واخد المفيد منكم

هي اوبترا 2006 ماشية 140 الف
فيها خبطتين في الشنب يمين و شمال لكن قالولي ان الخبطتين مش مأثرين و ان الشنب كله ممكن يتغير.
الكبوت واضح انه مش بتاعها لكن حالته كويسة.
فيها صدأ في حوض الشنطة مساحته كبيرة لكن قالولي ان الصدأ ليس مثل البارومة حيث انه ممكن تتصنفر و يتحط عليها بيتومين او بالاك اللي هو شيشلوك.
جاتها خبطة بسيطة في الباب ادت الى نقرتين في القايم مسافة 2 سم لكن لا يوجد اي لحامات او كسور و دهانه فبريكة.
لا يوجد فيها اي مشكلة اخرى.

السعر المطلوب 69 الف.
ايه رأي الخبراء؟
تنصحوني بايه؟
اشتريها ولا ابعد عنها؟

شكرا.