العربية بتاكل بنزين

**عمرو كاشف** · 04-12-2015 03:28 PM

العربية بتاكل بنزين وبشم ريحة عادم جوا العربية روحت للميكانيكي قالي في عندك بكات واسعة لادا 2105 موديل 1995 ممكن اعرف مفروض مقاس البكات كام؟

**lada2010** · 04-12-2015 08:38 PM

مقاس البيكات 100 و 115

**محمود سيد محمو** · 08-12-2015 03:37 PM

بلاش ميكانيكى وروح لواحد متخصص فى الكربراتير احسن

**Mohamed Desoky** · 08-12-2015 04:02 PM

اعمل حسابك ده ممكن يكون اكس وباب وطقم اصلاح كاربراتير كامل اما رقم البيكات السلانسيه 90 والسرعة 120 اللادا اول عربية جبتها وعلمتنى كتيررررررررررررررر

**عمرو كاشف** · 12-12-2015 10:30 AM

يا جماعة انا روحت لمتخصص كرابراتير كنت روحتله من شهرين وحكيتله الموضوع ظبطلي الكربراتير وظبطلي الكهربا والدنيا بقت تمام بصراحة ربنا يكرمه

**ABO MALEK** · 08-01-2016 11:15 PM

المشاركة الأصلية كتبت بواسطة عمرو كاشف

يا جماعة انا روحت لمتخصص كرابراتير كنت روحتله من شهرين وحكيتله الموضوع ظبطلي الكربراتير وظبطلي الكهربا والدنيا بقت تمام بصراحة ربنا يكرمه

عنوانه فين وخد منك كام؟

**عمرو كاشف** · 17-01-2016 09:38 AM

المشاركة الأصلية كتبت بواسطة abo malek

عنوانه فين وخد منك كام؟

عنوانه في محرم بيه ورا شركة الشرقية للدخان على الترعة واخد مني 10 جنية عشان ظبطت بس
قبليها بشهرين كنت مغير سوستة ومغير بيكات ونضفلي الكرابيراتير واخد 60 جنية

**A.M.G** · 06-02-2016 08:12 PM

عندي نفس المشكلة لادا 2105 موديل 95 وبتاكل بنزين جامد برضه رحت لواحد بتاع كربراتير قالي اكس وباب ومنصحكش انك تعمله لانه بيرجع تاني قلتله ايه الحل قالي غير الكربراتير وقالي عنده واحد كويس هيدهولي وياخد القديم وياخد الفرق بس الكلام كده معجبنيش حسيته عايز يشتغلني ويديني الي عنده وياخد الي معايا وممكن تكون حاجة بسيطة
السؤال هنا بقى للناس الفاهمة هل فعلا اكس وباب بيبوظ تاني لو صلحته واعرف ازاي لما احل العمة ان الاكس وباب فيها عطل؟

**lada2010** · 07-02-2016 09:01 PM

المشاركة الأصلية كتبت بواسطة a.m.g

عندي نفس المشكلة لادا 2105 موديل 95 وبتاكل بنزين جامد برضه رحت لواحد بتاع كربراتير قالي اكس وباب ومنصحكش انك تعمله لانه بيرجع تاني قلتله ايه الحل قالي غير الكربراتير وقالي عنده واحد كويس هيدهولي وياخد القديم وياخد الفرق بس الكلام كده معجبنيش حسيته عايز يشتغلني ويديني الي عنده وياخد الي معايا وممكن تكون حاجة بسيطة
السؤال هنا بقى للناس الفاهمة هل فعلا اكس وباب بيبوظ تاني لو صلحته واعرف ازاي لما احل العمة ان الاكس وباب فيها عطل؟

بص ياباشا بلاش تصرف علية انت نفس مشكلتى الكرباريتر مطلع عينى فى واحد اسمة مهندس محمد طلبة بيصلح لادا كل شغلة فى لادا وبس اية رايك لو نتصل بة ونقول لة عايزين اتنان كرباريتر لادا لو كدا قول لى وهو يوفر لنا هو فى الوراق امبابة