الموضوع: استفسار من الاخوة الاعزاء خبراء ال 4*4

انا عاجز عن الشكر يا جماعة على كل الردود دى وبصراحة كده انا طلعت منها بخطة كويسة وهى انى اولا انتظر موديلات 2008 وثانيا اشوف وقتها ااقل شيروكى اتوماتيك بكام أو موضوع البرادو لكن سؤال بسيط هو حاليا اقل سعر لشيروكى اتوماتيك بكام شكرا جزيلا لمن ساهموا بالردود

لو كنت سالت السؤال دا من عشر سنين كنت اقولك الموسو .كانت عربيه حلوه و موترها مرسيدس و ما اعتقدش ان مرسيدس حتضحي بسمعتها في عربيه ما تستاهلش يعني مش حتحط موتور في عربيه كل يوم فيها شاكل من انظمه التعليق و الكهرباء الخ الخ اكيد متاكده من جوده المكونات و كنت ايام 1997 بعتبرها سياره مرسيدس بنصف التمن!!!!
دلوقتي ما انصحكش علشان خلاص تصميمها قديم و حرام تحط فلوسك في حاجه تصميمها قديم و تقنيتها قديمه اوي.
و لو انت حدودك جوه المدينه بس مع رحله مثلا كل اسبوع في الصحارء ارشح ليك السوزوكي جراند فيتارا و لو انت متطلبات شغلك محتاجه عربيه جر رباعي بجد يبقي مفيش غير الشيروكي و كان في الدعايه بتاعهم زمان كانو بيقولو كلمه لسه فاكرها من 15 سنه (لا جيب الا الجيب)
يعني ما تركبش عربيه جيب غير من شركه جيب هيا اللي بادعه النوع دا من العربيات

لو يهمك الشكل اوى انا معجب جدا بالسوزوكى فيتارا
شكلها بجد تحفة وان كانت اصغر فى الحجم من الشيروكى
وحتوفر جامد فى السعر عن الشيروكى ويابانى اصلى

السوزوكى فيتارا 2 باب فقط لا تصلح ابدا لو كان نزل منها فى مصر 4 باب كان ممكن افكر فيها وشكرا يا جماعة على الاهتمام بالموضوع وجارى البحث عن افضل الحلول