نصيحه شراء افيو جديده

**mo7aabdo** · 12-12-2015 05:04 PM

سلام عليكم
من فضلكم كنت عايز استشاره كده ع السريع ...انا معايا عربيه اكسنت موديل 99 و 1500 سى سى عايز ابيعها واجيب افيو جديده هل القرار ده صحيح ولا لأ مع العلم ان عربيتى 12 صباب والأفيو الجديده 8 صباب بس فهل ده هايفرق فى قوه العربيه
ارجوا الإفاده وجزاكم الله خيرا

**allisk** · 14-12-2015 11:11 AM

احنا عندنا العربيه الأفيو في البيت ماشيه 1100 كم بس. بعد ما سوقتها كام مره في الشويه الصغيرين دول انا شخصيا كرهتها جدا و مبحبش اسوقها. عربيه مكتومه و قاعدتها مش حلوه و بيطلع منها اصوات غريبه و توكيلها سئ جدا. رايي المتواضع حاول تدور علي عربيه تانيه

**abokoko** · 14-12-2015 12:27 PM

اللي اعرفه الافيو تطوير للانوس
وبكده فالفرق مش كبير
لانك في النهايه هتبقي راكب عربيه كوري من نفس جيل عربيتك حتي لو كانت انتاج العام الحالي

لو بتفكر يبقي تغيير الكوري
ممكن تفكر في اللوجان رغم اني مش بحبها علشان صيانتها اللي محتاجه توكيل مش ميكاتيكي وقطع غيارها الغاليه وممكن تفكر في البي واي دي وكمان عندك النيسان صني او تعلي شويه وتفكر في البروتون جين تو او البروتون البيرسونا او السوزوكي ديزاير
ربنا يوفقك للاختيار الصح

**John Silver** · 14-12-2015 08:52 PM

الافيـو عربيـه مخنوقـه لا من عزم ولا من مكيـف ، انا انصحـك بفيرنـا مستعملـه اوتوماتيـك بس تكـون بيتي ، 1600 و 16 صمـام

صدقنـي هتبـسط منهـا لان اعطالهـا تعتبـر معدومه وعمليـه بمعنـى الكلمـه حتى التكوسـه هارينهـا هـري ومابتشكيش