بخصوص الفيرنا

**احمد بك صلاح** · 12-12-2015 06:56 PM

السلام عليكم جميعاً
دى اول مشاركه لاني ناسي اسم المستخدم بتاعي القديم
عندي استفسار بخصوص قربه مياه ريداتير الفيرنا ستار
القربه الغطا بتاعها ضغط ومتصل فى الغطا خرطومين حبيت ازود المياه الخضرا بفك الغطا لقيت ان فى الخراطيم اللى داخله الغطا واحد رايح للريداتير والتاني نازل لتحت القربه ومشش متوصل بحاجه
هل هو كده ولا اتفك مني ؟؟
العربيه مش بتاعتي وخايف ابوظها وفي نفس الوقت مش فاضي اروح لميكانيكي
وشكراً ليكم جميعا
ً

**Moh.Abdelbaset** · 12-12-2015 09:32 PM

هو كده
خرطوم للردياتير علشان الردياتير يسحب من القربة لو نقص..وخرطوم مش متوصل بحاجة علشان لو فيه مياه زيادة في القربة تخرج منه

**tameem2010** · 13-12-2015 12:20 AM

هو كده خرطوم رايح للراديتير ده بيغذي الراديتير لما المياه فيه تنقص وفي نفس الوقت لما ضغط المياه في الراديتير يزيد بيقوم يفضي الزيادة في القربه يعني المياه اتجاهين من القربة للراديتير لما العربية تكون بارده ومن الراديتير للقربة لما تكون سخنه

اما التاني ده خرطوم الفايس عشان لما المياه تزيد عن الحد الطبيعي في القربه او الضغط يزيد جوا القربه تقوم تنفس الزيادة من الخرطوم وميحصلش ان القربة تنفجر او خرطوم الراديتير يضرب ويبهدل الدنيا

هي كده طبيعي وهتلاقي مشقبية في جنب القربه بيدخل فيها خرطوم الفايس ويبقى بوز الخرطوم ناحيه الصاج بتاع الجنب اليمين للعربية عشان ينفس ناحيه الصاج مينفس ناحيه السيور او الدينامو