بخصوص الفيرنا

**Ahmed R08** · 23-04-2007 06:13 PM

اولا احب ابارك للكل على المنتدى الجديد واحب اشكر كل من شارك فى العمل دة لانه بجد ما شاء الله طالع فى اجمل صورة

ثانيا عندى طلب ويا رب متبخلوش عليا بالمساعده وخصوصا سيادة المشرف العام الاستاذ هانى بايو واحب اوجهله تحيه لمجهوده سواء فى المنتدى القديم او هنا ان شاء الله
انا عندى عربيه فيرنا 2007 وعايز اركبلها فوانيس شبورة المشكله انى مش عايش فى القاهرة انا محتار اركبهم فى التوكيل ولا برة وكنت عايز اعرف سعرهم فى حدود كام ولو برة مبن ممكن اجيب من عنده حاجة اصليه ويركبها صح ومتتعبنيش بعد كدة لانى بسمع ان اى لعب فى ضفيرة الكهربا بتبهدل العربيه ولو هاكبهم فى التوكيل لازم احجز قبلها ولا اروح على طول ومتشكر جدا واسف لو طولت عليكو
د.احمد "مستقبلا" :D

**abo3bdolrahman** · 23-04-2007 09:35 PM

لو ركبتهم برة هايخرجولك الكهرباء من الضمان :roll:

**Ahmed R08** · 23-04-2007 09:59 PM

اخ يعنى كدة لازم اركبهم فى التوكيل يا ريت لو حضرتك تعرف اسعارهم ايه ولازم احجز قبلها ولا لأ ومتشكر جدا لسرعه الرد والاهتمام
د.احمد

**Tamer-Ezzat** · 24-04-2007 01:43 AM

أنا سألت عن سعرهم فى التوكيل وفوجئت بانهم 365 للفردة أى 730 جنيه وتركيب 100 ج
طبعا كتير أوى فى حل تانى انك بتجيبم من برة وبعدين تروح تركبهم فى التوكيل عملين حوالى 360 الاتنين ...

**PAYOO** · 24-04-2007 07:57 AM

فعلا أنسب حل إن حضرتك تجيب القوانيس من بره (التوفيقه أو ش دمشق) وتركبهم في التوكيل بمعرفتهم ده أحسن حل

[marq=up:72407bb595]منور يا تمور[/marq:72407bb595]

**Ahmed R08** · 24-04-2007 12:29 PM

متشكر جدا ا.تامر وا.بايو على الاهتمام والرد معلش هتقل عليكو لو جبتهم من برا هيبقو بنفس كفائه اللى بيتباعو فى التوكيل علشان ليا واحد زميلى كان ركب فوانيس كانت فى لانوس كانت بتسخن جدا وسيحت الاكصدام الفيبر كان بيشغلهم 10 دقايق ويطفيهم ساعتين تلاته فياريت لو اعرف اللى بيتباعو برة هيبقو من النوع دة ولا فى اصلى بردة بس السعر ارخص وشكرا مرة تانيه :arrow:

**PAYOO** · 24-04-2007 12:48 PM

بصراحه أنا خايف أرد عليك عن جهاله تزعل مني وتدعي عليا بعد كده

أنا بصراحه مش عارف إذا كان النوع إللي بره كويس ولا لأه

بس أنا فاكر مره أني أشتريت فانوسين شبوره لعربيتي الـ128 وسيحوا الأكصدام الفيبر نهائي وهمه نفسهم ساحوا ههههههههههههه

بس دول كانو بسبعين جنيه حاجه كده سيئه جدا يعني

أنت عارف مين يفيدك ؟؟؟ أستاذ "سعيد" لأنه كان جاب فوانيس شبوره من التوفيقيه وركبهم في عربيته النيسان صني وكان جايبهم بـ300 جنيه تقريبا
هوه أكتر واحد يقدر يفيدك في القصه دي

**Ahmed R08** · 24-04-2007 06:24 PM

متشكر جدا يا ا.بايوو على الافادة
وخلى بالك بأة لو لقيت فيرنا بيضه اكصدامها اللى ادام سايح وسايقها واحد بيدور على اى واحد راكب ماتريكس زى اللى فى الصورة فوق دى متبصش وراك وانطلق :lol: :mrgreen: :mrgreen: :lol:

:arrow:

**saied** · 24-04-2007 06:34 PM

اخى العزيز السلامه عليكم ورحمه الله
انا فعلا فعلا اشتريت فوانيس الشابوره للنيسان صنى بمبلغ 300 جنيها وهم صينى بس نوعيه كويس وغيرت اللمبات الى المانى الوحده بعشره جنيهات من محل حسنى الحكيم 10 ش زكى التوفيقيه ت 5745441
بس مش عارف اذا كان عنده بتوع الفيرنا ممكن تكلمه على التليفون

وبالتوفيق

اخوك سعيد

**Ahmed R08** · 25-04-2007 01:46 PM

متشكر جدا جدا يا ا.سعيد على الافادة وانا مش عارف والله من غيركو كنت هاعمل ايه وانا فعلا كلمته وهما موجودين عنده
اكرر شكرى تانى وربنا يوفقك دايما فى عمل الخير :arrow:

الموضوع: بخصوص الفيرنا

LinkBack

أدوات الموضوع

عرض

بخصوص الفيرنا - انشر الموضوع فى :

-

-

-

-

-

المواضيع المتشابهه

سؤال بخصوص الفيرنا

سؤال بخصوص الفيرنا

بخصوص بلي عجل الفيرنا 2005

سـؤال بخصوص الفيرنا

بخصوص عدم ثبات الفيرنا

الكلمات الدلالية لهذا الموضوع

المفضلات

المفضلات

ضوابط المشاركة