الموضوع: النوبيرا 1 نضافة دورة المية فى الريداتير

النوبيرا 1
نضافة دورة المية فى الريداتير
كلنا عارفين ان الريداتير هو و سيلة تبريد مياة المحرك الساخنة و لازم طالما فية مية يكون فية صدأ
طيب يبقى لازم ننضف دورة المية فى الريداتير و مالة
هيا نلعب
الشغل و العربية باردة يا معلمين
بص يا عم الحج ولا تنزل تحت العربية و لا تفك خراطيم
و انت واقف كدة زى الاسد ناحية الجنب اليمين من الريداتير مد ايدك تحت المروحة و خش جوة شوية ناحية خرطوم التكييف عصفورة الريداتير هناك فكها بالعكس يمين يعنى و شيل غطا القربة و حتلاقى المية نافورة و مش حقلك على اللى نازل
حتة زمة بقى فك القربة مربوطة من فوق يمسمار 10 مم و خدها حط فيها شوية رملة و شوية مسحوق اتوماتيك و( اوعى المدام تشوفك )و اقعد رج فيها و بعد كدة اغسلها حتبقى شمعه
ركب القرية و الخراطيم اللى فكتها منها و هات خرطوم مية و اضربة فى القربة لحد ما المية تنزل نقية من الريدانير
خلاص قفل و حط العصفورة و حط كنزاية ابرو ( مزيل صداء) ب15 ج و شوية مية و دور يا معلم
شفت سهلة اوى و حلوة اوى

إلحق انت فضي المية الخضراء بال أبرو بسرعة يا معلم قبل ما تلاقيه ضربلك أي جزء ضعيف أو مصدي في دورة التبريد ( عن تجربة شخصية ).
كلامك صح لغاية إضافة المية ( مية الحنفية + أي إضافة لا تساوي إلا صدأ بعد أسبوع على الأكثر ) بسبب الأملاح الموجودة بها ... و ده عن تجربة. فإما بعض التنظيف التمام اللي قمت بيه تملى الدورة بميه خضراء أو حمراء موبيل او إيادا .
أو مية تكييف (خالية من الأملاح ) مع مية حمرا أو خضراء مركزة ألماني أو أسباني ( و تضيف منها نصف العبوة و ليس العبوة كاملة لتفادي مشاكل التركيز ) و التزويد بعد كده عند نقص المنسوب يكون بإحدى الطريقتين السابقتين ... ( مية الحنفية لأ لأ لأ ).