صباح الفل علي احلي رجاله تجربه شد سيفيك 2008

**foxhonda2008** · 14-12-2015 10:56 AM

انا عشقت هذه الهوندا سيفيك ال 2008 و بعد ما كنت قافل منها و عايز ابيعها ققرت اشدها شده محترمه و عملت لحد دلوقتي الاتي

1- تنزيل البويه القديمه بالكامل ما عدا السقف
2- سمكره بعض الاجزاء مثل العتب و الرفرف الامامي
3- تظيبط الاكصدامات عند بتاع الفيبر و فعلا رجعهم زيرو
4- شراء كرتيره عجل امامي من الحرفين 90 ج + شبكه اماميه مش القطعه الواحده عشان خاماتها معجبتنيش روحت جايب الاغلي شويه ب 350 و هي عباره عن 3 قطع
5- شراء مصفحه بلاستيك اسفل الموتور 190 ج
6- عملت تلميع للفوانيس عند ال عمار في الحرفين + صب فوانيس شبوره جداد 230 ج

الاسئله بقا :
1 - انا اشتريت كل خامات البويه اسكينز ب 1800 (ورنيش +البويه بالرقم + شويه حاجات عشان البويه )
و كان الصانيعي رشحلي نوع اسمه دوبير فهل كده انا عملت الصح و لا لأ
2- بفكر اعمل فرش تفصيل جلد طيبعي انا كنت سألت عليه عند واحد اسمه الدكتور في شارع جسر السويس بس الناس كلها بتشكر في جينز كار مدينه نصر
3- عايز اركب الجنوط ال16 بتاعت الهوندا الاصليه ( اجيبهم منين و سعرهم في حدود كام + افضل نوع كاوتش مقاس 16
4- ابيع الجنوط الحديد ال15 بالكاوتش بتاعهم و لا اخليهم مع ان الكاوتش لسه جداد معملوش 5000 كم و نوعهم محترم

و الله يا هونداويه انتو رجاله بجد و خليتو الواحد فعلا ميشلش هم حاجه و شكر خاص لسامح بك فؤاد مع اني لحد دلوقتي مشفتوش بس بجد تحس انه شريك في شركه هوندا

انا دلوقتي مستني ردودكم في الي انا عملته و الي عايز اعمله
و كل سنه و انتم طيبين و عام سعيد عاي كل الناس و ربنا يجعل السنه القادمه سنه كلها خير علي كل الناس و اسف علي الاطاله

**foxhonda2008** · 14-12-2015 11:16 AM

معلش ليا سؤال تاني
انا دلوقتي مركب dvd مكان الكاسيت الاصلي و كنت عايز اركب الشاشات الموجوده في مسند الرأس فهل ينفع اوصلهم علي الكاسيت ده و لو ينفع اجبهم منين و سعرهم في حدود كام و ايه افضل نوع

**foxhonda2008** · 14-12-2015 03:36 PM

و لا رد و لا اي حد عايز يبل ريئنا بتصبيره فين يا سامح باشا

**waled4u** · 14-12-2015 08:48 PM

ربنا يوفقك العربيه دى من احسن العربيات اللى ممكن تركبها ربنا يوفقك وتشدها صح وكنت عاوز اعرف الكاوتش مقاسه ايه ونوعه ايه ومطلو فيه كام ممكن اخده منك لو سعره معقول

**refaat78** · 16-12-2015 12:26 PM

بالنسبه للبويه.. السكينز من احسن الخامات الموجوده..
الجنط الاصلي في الحرفيين يعمل 3000 جنيه..
الفرش انا عملت عند واحد في صقر قريش عالمي وارخص كتير من جينز كار
الجنط الاصلي بيعمل تقريباً 2000 جنيه.. وممكن تبدله من اللي انت هتجيب منه الجنط الاستيراد في الحرفيين وتدفع فرق.. والجنط موجود عند فيصل ومجدي دسوقي

**foxhonda2008** · 16-12-2015 03:51 PM

المشاركة الأصلية كتبت بواسطة refaat78

بالنسبه للبويه.. السكينز من احسن الخامات الموجوده..
الجنط الاصلي في الحرفيين يعمل 3000 جنيه..
الفرش انا عملت عند واحد في صقر قريش عالمي وارخص كتير من جينز كار
الجنط الاصلي بيعمل تقريباً 2000 جنيه.. وممكن تبدله من اللي انت هتجيب منه الجنط الاستيراد في الحرفيين وتدفع فرق.. والجنط موجود عند فيصل ومجدي دسوقي

تسلم ياباشا علي الرد
طيب بالنسبه الفرش أتكلف كام و عنوان الراجل ايه في صقر قريش

**refaat78** · 16-12-2015 05:39 PM

اتكلف تقريباً 900..جنب توكيل تويوتا اول ما تنزل من الدائري علي الاوتوستراد تخليك في البطئ وتدخل يمين من عند يافطة تويوتا

**foxhonda2008** · 17-12-2015 02:44 PM

هما الهونداويه فين

**esam91** · 23-12-2015 02:40 PM

متابع ، وارجو الرد ضروري

01002666551 ده رقمى لاستاذ فوكس ممكن نتكلم مع بعض فى شويه تفاصيل للعربيه فعلا لانى حببها ومش عارف صراحه اعمل صيانتها فين

وشكرا