للمعلومة، دى رسالة مبرمجة و لا تعنى الحالة الحالية للسيارة، يعنى سيارتك بحالة سليمة و لكنها مبرمجة لتظهر هذه الرسالة بعد سنة او 10000 كم أيهما أقرب...اعتقد دى اجابة سؤال رقم ١
٢) الزيت و الفلتر هما أهم حاجتين هيتغيروا فى صيانة ال ١٠ الاف، العمر الافتراضى للزيت التخليقى فى مصر نتيجة الجو الحار و الاتربة و الزحمة هو سنة واحده او ١٠ الاف كم ايهما اقرب...التأخير البسيط زى شهر لن يضر السيارة فى شىء لان السنة او ١٠ الاف كم ده رقم متحفظ جداً و هو فى الحقيقة يقدر يستحمل اكتر من كده بحبه كويسين
٣) حضرتك تكلم ١٦٢٠٢ و تحجز ميعاد صيانة
٤) أنا خبرتى فى اسكندرية فقط و هسيب رجالة القاهرة يجاوبوا على النقطة دى
٥) فى صيانة ال ١٠ الاف هيغيروا الزيت و فلتر الزيت و فلتر الهوا و دول اهم اشياء او الاشياء الوحيدة اللى هتتغير، الباقى مراجعة سوائل و تربيط عفشة ووضع العربية على الكمبيوتر علشان لو فيه اعطال متسجلة و بيسألوا حضرتك لو فيه شكوى من حاجة
٦) تمن الصيانة غالى شوية و بتعمل حوالى ١١١٠ جنيه بالضرايب تقريباً
تحياتى
المفضلات