سوستة ميجان 2 الامامية

**habib47** · 24-12-2015 12:58 PM

معلش , اخر سؤال : هي السوستة الاصلية المظبوطة بتاعة موديل 2005 كام لفة؟
لو سمحتوا حد يعد و يقولي...و الاستيراد بكام ؟
و اسف للتعب

**habib47** · 27-12-2015 09:45 AM

اولا اشكر كل من شارك في هذا الموضوع
ثانيا امس ذهبت الي صقر قريش لعادل و قالي الورشة اللي جنبه بتاع عفشة اسمه ايمن و هو بيتعمل معاه و قالله شوف العربية دي. ايمن جرب العربية و طبعا قالي مافيش مساعدين قدام ( يعني زي الزفت ) .
غير اثنين ركبة بالكامل استيراد و معاها طقم بارات دركسيون و فبرة علبة دركسيون و لم البوش بتاعها, و انا كنت مغير الاسبوع اللي فات طقم مقصات و طنابير,
العفشة زيرو
الركب ب 700 جنيه, بارات و فبرة علبة دريكسيون 250
كله 950 !! و الحقيقة اول مرة اركب العربية كدة من ساعة ما اشتريتها من 7 سنين, ممتازة
و طلع ان السوست اللي كانت راكبة بتاعة سينيك يعني عدد لفاتها اكتر بلفة من الميجان

المهم ان طلع ان فيه رجلاش في الشمعدان بيعلي العربية و يوطيها في حدود 3 سم..! و دي اول مرة اعرفها يعني برغم ان المساعدين اللي راكبين دلوقتي طبق واطي و السوستة اقل لفة من القديمة الا ان العربية في نفس الارتفاع. و الحمد لله كله تمام.

**تامر.محمد** · 27-12-2015 01:01 PM

همممم , مبروك و الحمد لله ان المشكلة اتحلت

بس بتقول ان مساعدينك كانوا جداد , زي الزفت ازاي بقى ؟؟؟

**تامر.محمد** · 28-12-2015 03:21 PM

محجرين ؟
كنت جايبهم منين ؟
و اوعى تكون سبتهم له

**Renault Island** · 29-12-2015 11:45 AM

أحتمال كبير السوست هي كانت سبب المشكلة وممكن تأخذ الامساعدين للمحل لو فيهم مشكلة والفاتورة وترجعهم أو تأخذ تعويض أحسن من مفيش
المساعدين والسوست والبطاحات والعفشة عموماً أستيراد ناس بتقول أنها مشروع فاشل لكن بصراحة وبما يرضي الله وشهادة أحاسب عليها أمام الله تعالي "العفشة من الاجزاء المستهلكة في السيارة لكن في بعض الدول مثل اليابان مثلاً لا يستهلك العفشة نهائياً لماذا ؟ لأنه لا يوجد مطب أو حفرة ألا بحساب ونظام لا عشوائية فتلاحظ أن العفشة كالزيرو فعلاً لكن بشرط واحد لا يعرفه ألا المستوردين وهو العربيات لو أتركنت شهور في ميناء التصدير وفترة الرحلة وفي الميناء بمصر وفي المجازن وبعد ذلك المحلات يعني ممكن توصل الفترة لمدة سنة مثلاً المساعد بدون عمل لازم ينشف ويحجر " والله على ما أقول شهيد

**Colin Chapman** · 24-05-2016 08:29 PM

المشاركة الأصلية كتبت بواسطة تامر.محمد

مبدئيا المساعدين المونروو ناشفين اصلا فانك تجرب بيهم هاينشفها لك زيادة

ممكن يكون مغير سست سبور مثلا عشان كده العربية ناشفة معاك
جرب بسو

ست استيراد و شوف , و اصلا السست الاستيراد بتبقى ملبن

انا بالمناسبة عندي سست اصلي مركونة ممكن تجرب بيها لو حابب
بس لو طلعت السست اللي معاك سبور هاخد منك السستتين اللي ورا :d :d :d