الموضوع: سوستة ميجان 2 الامامية

مبدئيا المساعدين المونروو ناشفين اصلا فانك تجرب بيهم هاينشفها لك زيادة

ممكن يكون مغير سست سبور مثلا عشان كده العربية ناشفة معاك
جرب بسست استيراد و شوف , و اصلا السست الاستيراد بتبقى ملبن

انا بالمناسبة عندي سست اصلي مركونة ممكن تجرب بيها لو حابب
بس لو طلعت السست اللي معاك سبور هاخد منك السستتين اللي ورا :d :d :d

المشاركة الأصلية كتبت بواسطة proff

هيا السوست الاسبور دي الواطيه؟؟؟؟

عادةً بتبقى واطية اه

المشاركة الأصلية كتبت بواسطة habib47

لا والله دي حتي العربية عالية زيادة عن اللزوم من ورا ومن قدام , الحل الوحيد سوست استيراد واطية و ناعمة. :(

عالية زيادة عن اللزوم ؟
طب ما تحكي لي مظاهر نشوفية العفشة عندك
الا لو مركب المونروو حاليا يبقى طبيعي تبقى ناشفة

المشاركة الأصلية كتبت بواسطة habib47

اولا متشكر جدا علي اهتمام حضرتك
ثانيا العربية راكب فيها kyb الطبق العالي يعني العربية عالية جدا جدا من الامام و من ورا اعلي !!
لما ادوس عليها من اي جنب امامي مش بتنزل ولا ملي كأن ما فيهش سوست ولا مساعدين و لما تكون ماشىة
بكون حاسس لأي تعريجة صغيرة علي الطريق و ساعات لما اخد فاصل عادي من اللي علي المحور بحس ان العربية بتنط من علي الارض و تنزل تاني, في حين اني قريب كنت راكب 127 و حسيت انها انعم بكتير في نفس المطبات دي, المشكلة دي تقريبا من 7 سنين لما اشتريت العلربية.
هو المفروض ان 2005 تبقي واطية ؟ كلمت ناصر في التليفون و قالي حنغير المساعدين بالسوست بالبطاحة حتة واحدة ب الف جنيه.
الكلام ده حيظبط العربية ؟ و هل لو قصيت نصف لفة او لفة من السوست حيبقي نفس النتيجة؟
احترت والله بس من ساعة ما ركبت ال 127 لقيتها انعم و انا صممت الرة دى باذن الله انا احل المشكلة.
اسف للاطالة.

لأ الكلام ده مش طبيعي
عربيتي فيها مونروو و بادوس بتنزل و تطلع عادي , مش للدرجة دي
الا لو كان فيها كوني بقى

بس عموما اوعى تعمل القصىة اللي بيقول لك عليها ناصر دي
اولا الركبتين الاستيراد سعرهم عند تجار الاستيراد اقل من كده شوية , يعني مش هايوصولوا 900 جنيه اصلا

ثانيا بنسبة كبيرة اوي بتبقى حالتهم تعبانة , مش هايعمروا معاك شهور , بالكتير سنة , و هتلاقي البطاحات شققت و المساعدين جابوا زيت , و قبل ما يحصل كده هايكونوا طراي بطريقة مبالغ فيها و هتلاقي العربية واطية من قدام و بتحك في المطبات

عايز رأيي , جرب الارخص فالاغلى , سست استيراد بس , ظبطت يبقى السست , و السست اهي رخيصة , الكلام ده خصوصا انك بتقول مغير المساعدين
لو ما ظبطتش ممكن تجرب مساعدينك في عربية تانية و لو عملت نفس الكلام يبقى عرفنا العيب فين