الموضوع: نيسان سنترا تجميع مصري ولا ياريس 1500 cc

المشاركة الأصلية كتبت بواسطة amr.fathy

السنترا اعلى فى كل حاجة من الياريس بس التقفيل المصرى يخليك تقلق و الحكم على الخامات مش بالمنظر و بمدة لاتقل عن سنة من الاستخدام
(المكونات المصرية فى السنترا الطابلوه و الطنابير و الضفيرة و زجاج و كراسى و شكمان)

أنا كدا زي مابيقولو اتوغوشت، من المصري دي، يبقى فعلا كده دي هاتحصل الصني.

زجاج جريش عادى فيه منه تربلكس وده مش بيفت لما بيتكسر

المشاركة الأصلية كتبت بواسطة hany saad

القصة مش بس فى المكونات المصرى و التى لا تخضع لرقابة جيدة على المنتج النهائى و على سبيل المثال لا الحصر:
١- الزجاج من مصانع دكتور جريش و دى مشكلتها انها مفهاش طبقة أخيرة لاصقة مجمعة لطبقات الزجاج، فلو لا قدر الله اتكسر الزجاج نتيجة زلطة طائشة على الدائرى مثلاً، هتلاقى الزجاج نزل فرافيت فى وجه الركاب الأماميين، على عكس الزجاج الأصلى اللى لو واجه نفس الظروف، الطبقة المجمعة دى بتمسك الزجاج المكسور كله مع بعضه فى مكانه
٢- البطارية هتكون كلورايد و طبعاً سائل، يبقى هتفور داخل حوض الموتور و تبهدل الدنيا
٣- الصاج لا يتم معالجته جيداً قبل الطلاء
٤- أفران الطلاء و نوع الطلاء و جودته مختلفة تماماً عن الخارج
٥- كيف يتم اختبار جودة الطلاء فى مصر؟ للأسف بمجرد النظر و ده غير كافى أبداً
٦- تنجيد الكراسي من موبيكا و جودة الخامات المستخدمة يختلف عن مثيله الكورى
٧- جودة الشكمان المستخدم لا تقارن بالكورى
٨- نوع الكاوتش المستخدم لا تقارن بالكورى
٩- اختبار الأمان و الكوالتى للمنتج النهائى مختلفة تماماً عن مثيلاتها فى كوريا

و الأمثلة على ذلك كثير و من نفس المصنع زى انتاج الصنى مثلاً

لو مكانك و عجبانى السنترا قوى يبقى اشترى الكورى مش المصرى و هذا ليس أبداً انقاصاً من المنتج المصرى و لكن احنا مش لاقيين فلوسنا فى الشارع علشان نرمى ١٥٠ الف جنيه فى منتج اقل وصف له انه جيد و ليس ممتاز كمثيله الكورى
او بمعنى ادق: تدفع ١٥٠ الف جنيه فى منتج جودته ٧٠٪‏ و لا تدفع ١٦٠ الف فى منتج جودته ٩٥٪‏؟

تحياتى

على فكره فعلا السنترا كانت الله يرحمها ممتازه، بس هي هاتحصل الصني ولا بد.