bad and mad

**elassar2010** · 24-11-2008 01:05 PM

طاب واية راى حضرتك فى الى لبسة بنطلون جينز ومكتوب من الخلف im sexy اية التعليق؟؟؟؟؟

**mahamedaraby** · 24-11-2008 01:14 PM

انا اعتقد لو الحال ده استمر كتير ممكن اللغه العربيه تنقرض

وطبعا ده غير موجه الفرانكو عربى اللى لحد دلوقتى مش فاهم لزامتها يعنى لتكتب عربي لتكتب انجليزى

بس المشكله دلوقتى بنتعامل مع اللى ميعرفش انجليزى ان هو جاهل وطبعا ده بينطبق فى مجال الوظيفه

انا اعرف فى اوروبا ان كل دوله معتزه بلغتها جدا حتى لو يعرف يتكلم اللغه التانيه لا يكلمك بلغته

لكن هنا مثلا عادى من غير مناسبه يعنى تلقيه مدخلك كلام انجليزى فى نص واصبح عادى زى Sorry و ok

وطبعا زى ما قولت ده انتقل لاسلوب حياتنا فى ان اى حاجه جايه من بره تعتبر احسن حاجه من اللى يتصنع هنا لمجرد ان الخواجه مد ايده جوه العربيه او التلفزيون

وبردوا اللى بشوفه كتير ومش عارف ليه اى اتفسير فى اشخاص لما تلاقى اى مشكله اى مشكله فى عربيه تقفيل محلى طبعا الرد يقولك ده التقفيل الزفت

لكن مثلا افيو الكورى عداد ال RPM بيعلى لوحده يقولك عادى اى مصنع وليه هفوه

عمرنا ما هنتقدم الا لما يبقى لينا طابع لينا و شخصيه مستقله

**MoToRiZeR** · 24-11-2008 03:28 PM

الولد ده هيطلع "معدني" علي فكرة :d

**نور القمر** · 24-11-2008 08:53 PM

المشاركة الأصلية كتبت بواسطة elassar2010

طاب واية راى حضرتك فى الى لبسة بنطلون جينز ومكتوب من الخلف im sexy اية التعليق؟؟؟؟؟

حاجة من اتنين
يا اما مش فاهمة المعنى
يا اما منحلة فعلا

**Jato.33** · 24-11-2008 09:43 PM

شوف يا هندسة
الموضوع ده أصبح عادي

طالما معاك فلوس تبقى لازم تدخل ولادك أجنبي حتى لو إنتا متعرفش هما هيعلموا إبنك إيه بس أنا معايا فلوس يبقى لازم أجنبي عشان أثبت إني معايا

والولد هيتعلم إزاي يتكلم إنجليزي وهينسى العربي لإن ده هوا العلم الصح

اللبس كذلك مش مهم شكله ذوق ولا لأ يناسب تربيتك أو دينك مش مهم المهم يناسب دخلك ويبقى مكتوب عليه بالإنجليزي عشان هوا ده الشياكة لأن الولد في لغات وأجنبي وعشان الناس تشوف اللبس تقوم تذكر المدرسة تقوم تذكر الفلوس والمصاريف

زي ما مرة كتبت إحدى زميلاتنا هنا إنها شافت ناس Local أو قالت Low Class كان ممكن تستخدم كلمة "بيئة" ولكن هيبقى شكلها وحش في العربي لكن في الإنجليزي شكلها شيك وتدل على مستوى راقي من المعرفة لكن بالعربي العكس صحيح

وهكذا تنكر تام للأصل العربي وتنكر تام للغة وتنكر تام للعقل والمنطق

الفلوس والمنظرة وبس

إفتكرت واد زمان شوفته ماشي في وسط البلد شايل كاسيت على كتفه ومعليه على أخره وبرده مشغل أغاني أجنبي - شكله شيك طبعاً

ربنا يرحمنا

**ams** · 25-11-2008 12:32 AM

المشاركة الأصلية كتبت بواسطة sab3aawy

ده اللى انا مستغرب منه ، ان ازاى الناس دى تقبل على ابنها انه يلبس ما يلبسه حثالة المجتعمات الأخرى برغم انهم مثقفين ولا يرون فى هذا ما يقلل من شان ابنهم البراق اللامع برغم وجودهم في وسط يجيد كل افراده قراءة وفهم الكلمات السوقية المكتوبة على الملابس الطفل ، تلك هى معضلتى

يعنى حضرتك بتقول : ازاى هما فاهمين لكن بيعملو زى الناس اللى مش فاهمين ؟
الاجابة سهله
لانهم مش بيتصرفو اعلى اساس انهم فاهمين لكن بيتصرفوا على اساس ان الناس التانيه مش فاهمين ، يعنى بما ان الناس التانيه مش فاهمين و فاكرين ان الحروف على الولد اجنبيه يبقى الولد فاهم و راقى و اهل الولد عاوزين ان ابنهم يبان فاهم فبيعملو الحاجة اللى الناس اللى مش فاهمين فاهمين انها بتخلى اللى بيعملها من الفاهمين تبقى الخلاصة ان الناس الاولانيين و الناس التانيين مش فاهميين اى حاجة خالص . و السلام عليكم ورحمة الله وبركاته

الموضوع: bad and mad

LinkBack

أدوات الموضوع

عرض

-

-

-

-

الكلمات الدلالية لهذا الموضوع

المفضلات

المفضلات

ضوابط المشاركة