الموضوع: تجربتي مع توكيل دايو ابو غالي جسر السويس

المشاركة الأصلية كتبت بواسطة swimmer25

امبارح كنت في مركز صيانة ابوغالي جسر السويس
رحت عشان صيانة 1000 وقابلت المهندس شريف وقلتلو هغير زيت موبيل 1 والعربية بتحدف يمين والنور ضعيف جدا ورجلاش فرامل اليد
اولا انا اصلا كنت حاجز الساعة 11 ومن الواضح جدا انه مفيش فرق بين الحجز او اللي مش حاجز لان عربيتي خلصت بعد 3 ساعات(انا مش هحجز تاني)
ثانيا م.شريف المفروض انه اخد اجازة نص يوم وساب العربيات اللي كانت معاه ومفيش حد عمل شيك علي العربيات اللي كانت معاه ومنهم عربيتي وعشان كنت مستعجل لاني قعدت 3 ساعات هناك فمشيت بعد لما كلمت مهندس تاني وقالي كلو تمام متخافش
ثالثا ازاي اعرف انهم غيرو زيت موبيل 1 والفلتر او ازاي اعرف انهم اصلا غيروا زيت وفلتر وانا مشفتش العربية غير لما خلصت ولا حتي شفت جيركن الزيت
وبعدين هل العربية فعلا بتاخد ال 4 لتر كلهم ؟
رابعا المفروض اني كنت اظبط زوايا عشان العربية بتحدف وللاسف كان جهاز الزوايا بايظ يعني اي حد كان بيصلح عربيته هناك وغير حاجة في العفشة مش هيظبط زوايا فقلتله ايه العمل في الناس دول قالي هنضطر نظبطلهم برا ولو فعلا ده حصل يبقي اكيد قعدوا وقت كبييييييييييير جدا عشان يستلموا عربياتهم
المهم اكتشفت ان الفردة الشمال نايمة شوية عن الاول فتوقعت انهم عملوا كده عشان محسش بالحدفة علي اساس انها هتعادل الحدفة اليمين شوية وده طبعا غلط
خامسا قالوا انهم ظبطوا النور فسالت المهندس تاني النور كان ضعيف عملوا ايه فيه قالي اكيد ظبطوه وقالي اطلع جرب
انا مش فاهم اجرب ازاي النور في عز الظهر واجرب ازاي الزيت واتاكد انه موبيل 1 وازاي يقللوا ضغط العجلة الشمال قال ايه كده ظبطوا الحدفة اليمين(انا مقستش ضغط العجلة بس ده كان بالنظر ولان كمان لاقيت الطاسة مفكوكة ولان التقرير اللي طلع اللي ملحقتش اقراه بس لمحته كان مكتوب فيه ظبط كاوتش

تخيلوا سالت لمهندس قالي ان الحدفة دي طبيعيه لو علي المدي البعيد يعني لما اسيب الدركسيون تحدف بس مع المسافة ومش عارف الطريق(ازاي يعني اذا كان انا ساعات كنت بظبط ال 128 علي الشعرة ده طبعا بعد تغيير عفشتها كاملة بس لان صعب اوي موضوع ظبط زوايا ال 128)

طبعا انا كنت مستعجل جدا ولازم كنت اروح البنك وبردو ملحقتش البنك

بجد كان تجربة وحشة مكنتش متوقعها بعد ما قريت تعليقات اعضاء المنتدي عنهم
اذا كان حد يعرف اعمل ايه معاهم يقولي وايه تفسير اللي حصل ده ؟؟

وشكرا

بص انا هقلك عن تجربتى بس بصراحة انا معايا دايو لانوس 2005 عاملة49 الف بصراحة بعمل الحاجات الكبيرة عندهم بس والله ناس محترمين وشغلهم نظيف بس هقلك حاجة انا كنت بتعامل مع هانى الحلاوانى بصراحة هوا الوحيد الى بيجى بدرى الساعة 7 الصبح وداه كان معاد ممتاز ليا كنت اسيبلة العربية وامشى واول اما يخلص العربية اجى الاقيها مغسولة وكل قطعة غيار قديمة حطينهالى فى العربية بس بصراحة انا اتعاملت مرة مع شريف بصراحة مكنش بيريحنى وفى الاخر الاقى حاجات ما اتعملتش بس بأمانة شغلهم نظيف وكمان اقولك موقف تانى انا كانت الفرامل سيئة فكل واحد اروحلة يقولى مستر عمومى فى الاخر رحتلهم لاقوها محتاجة تظبيط والعربية بقت زى الفل