صلاحية زيت المحرك

**xero4zero** · 31-12-2015 12:43 PM

سؤال للخبراء

عندى 3/4 جركن زيت المحرك شيل 10,000 كيلو قديم بقاله حوالى سنتين فى شنطة العربية ... بفكر أحطه النهارده .... واحد حبيبي نصحنى إننى أحطه عادى لمدة 5,000 كليو و بعدين أغيره .... الناس اللى فى البنزينه قالولى إن الصلاحية سنه و أكتر من كده يبقى باظ ..... إيه رأى حضراتكم

مشكورين مقدما

**vivid190** · 31-12-2015 02:50 PM

السلام عليكم ورحمة الله وبركاته

على حد علمي طالما ان الزيت لم يستخدم فمافيش مشاكل في صلاحيته لانه ليس مثل الطعام

والا ما الزيت بيتحط في العربية وبيدعك شغل وبيتغير بعد 10000 كم او ستة اشهر

بس اتاكد الاول من لوزجته

وان اشاء الله مافهيش مشاكل لما تستخدمه

والله اعلم

وخبراء الزيت عندنا هنا يفديوك ان شاء الله اكثر مني

**xero4zero** · 05-01-2016 01:14 PM

حطيت النهارده ال 3/4 جركن زيت المحرك القديم شيل 10,000 كيلو و تاريخ الإنتهاء مارس 2017 ... و ربع Total 10,000 الإثنين مكتوب عليهم 5W40 .... و حجرب و أشوف و ارد علي حضراتكم ... كان قبلي واحد بيحط Total Quartz 5000 20W50 تقريبا و كانت درجة اللزوجة بتاعته أعلي من الزيوت بتاعتى ده طبيعي ولا دى علامة إن الزيت بتاعى باظ ؟؟؟

**Lifz_Good** · 05-01-2016 04:54 PM

متابع للإستفادة

**ahmedz310** · 06-01-2016 12:41 PM

المشاركة الأصلية كتبت بواسطة xero4zero

حطيت النهارده ال 3/4 جركن زيت المحرك القديم شيل 10,000 كيلو و تاريخ الإنتهاء مارس 2017 ... و ربع total 10,000 الإثنين مكتوب عليهم 5w40 .... و حجرب و أشوف و ارد علي حضراتكم ... كان قبلي واحد بيحط total quartz 5000 20w50 تقريبا و كانت درجة اللزوجة بتاعته أعلي من الزيوت بتاعتى ده طبيعي ولا دى علامة إن الزيت بتاعى باظ ؟؟؟

غلط تخلط بين نوعين مختلفين حتي لو نفس درجة اللزوجة لأن الخصائص مابتبقاش واحدة (كل شركة وليها اضافتها) وبالتالي هيتفاعلو مع بعض والأداء هيتأثر

**xero4zero** · 06-01-2016 07:23 PM

المشاركة الأصلية كتبت بواسطة ahmedz310

غلط تخلط بين نوعين مختلفين حتي لو نفس درجة اللزوجة لأن الخصائص مابتبقاش واحدة (كل شركة وليها اضافتها) وبالتالي هيتفاعلو مع بعض والأداء هيتأثر

مشكور على الرد بس أعتقد إن الكلام مش منطقى لأن لو واحد بيغير من شيل لتوتال أكيد حيتبقي جزء من الزيت فى الموتور و لو حيتفاعلوا مع بعض كان كل المواتير باظت ... يا ريت حد من الخبراء يأكد المعلومة لو سمحتوا

**ahmedz310** · 06-01-2016 07:56 PM

المشاركة الأصلية كتبت بواسطة xero4zero

مشكور على الرد بس أعتقد إن الكلام مش منطقى لأن لو واحد بيغير من شيل لتوتال أكيد حيتبقي جزء من الزيت فى الموتور و لو حيتفاعلوا مع بعض كان كل المواتير باظت ... يا ريت حد من الخبراء يأكد المعلومة لو سمحتوا

عموماً انا ماقولتش الموتور هيبوظ انا قولت (هيأثر علي الاداء)
وفيه فرق بين انك تغير من نوع لنوع وفرق بين انك تخلط نوع علي نوع يعني تحط مثلاً 2 لتر من نوع وتكمل الباقي بنوع تاني

**ahmedz310** · 09-01-2016 12:14 PM

متابع

**borio1704** · 09-01-2016 12:34 PM

مبدأ خلط الزيوت مرفوض... لسبب بسيط..

كل الزيوت النهاردة عليها إضافات علشان نقدر ناخد الأداء اللي بنشوفه منها حاليا...

المشكلة إن الإضافات ما هياش حاجة واحدة... وكل شركة بتعمل إضافات مختلفة عن التانية ومحدش يعرف بالضبط كل شركة بتستخدم مركبات إيه بالضبط إلا ناس معينة جوه كل شركة.

المشكلة الأكبر إن الإضافات ممكن تتفاعل مع بعض (حسب مكوناتها اللي احنا ما نعرفهاش)... واحتمالات التفاعل مش هتكون غير حاجة من ثلاثة:

1- تفاعل يؤدي لإضعاف الإضافات أو إبطال تأثيرها...
2- تفاعل يؤدي إلى إنتاج مواد ضارة
3- زيادة تركيز إضافة معينة (والزيادة مش معناها تأثير أفضل)

باختصار... ما تخليش الخليط ده في الموتور مدة كبيرة... يعني 5000 كم وغير..

والأهم... اثبت على ماركة ونوع واحد بس... لنفس الأسباب اللي قلناها دي.

ادخل على الموضوع ده... هتلاقي في المشاركة الثالثة تفاصيل عن الإضافات ..

http://www.nilemotors.net/Nile/341680-a.html

...