الموضوع: حد غير عداد او نقل ملكيه عداد كهرباء قريب

المشاركة الأصلية كتبت بواسطة kemoelord

شكرا جدا لرد حضرتك , طيب حضرتك ممكن تقولي مثلا في الصيف بتشحنه بكام في الشهر ع استهلالك انت الشخصي ؟
الجزئية الثانيه : ماشي تمام العداد في شاشة وبيبين انا بس عاوز اعرف لما يخلص هل الكهرباء بتتقطع فجاة ولا ايه ؟ وهل مثلا هنج مع حضرتك او حصلت مشاكل تقنية فيه ادت الى قطع التيار الكهربائي؟

ثالثا : بالنسبة لو انا اتنقلت بين الشرائح ع حسب استخدامي واستهلاكي هل ده بيتم اوتوماتيك ولا ايه النظام؟

رابعا معلش مش فاهم يعني ايه رسوم النظافة بالشحن ؟ ما هو لو بالشحن فانا لو كل ما اشحن بقى حتى لو اكتر من مره في الشهر هدفعها ! او لو هشحن كل شهر مره ما انا هدفعها كمان الجزئية دي معلش مش فهمتها

الإستهلاك ده بيفرق من واحد للتاني بالنسبة لي شخثياُ في الصيف متوسط الإستهلاك حوالي 150 جنيه في الشهر (تكييف واحد) في الشتاء حوالي 60 جنيه
لما بيخلص الشحن بيفصل واول ماتحطله الكارت بيشتغل تاني لمدة يومين وبعده 3 ايام يفصل نهاراً فقط وبعدين يفصل تماماً (لم اتعرض شخصياً لأي من تلك المواقف) وبعدين اعتبره زي تانك البنزين في العربية لازم تبقى عامل حسابك انه يكون مليان على قد مشاويرك
الجزئية الثالثة فعلاً ملعرفش لأني بشحن كل 3 او 4 شهور وبدفع رسوم نظافة في كل مرة شحن ما يوازي مصاريف النظافة الشهرية (5 جنيهات)