الموضوع: ماهى اقصى مدة لبقاء الزيت فالموتور دون تغيير ؟

ارجع لكتالوج عربيتك..

دايما في قسم الصيانة في الكتالوج جدول الصيانة بيبين مواعيد تغيير السوائل... ودايما المواعيد بتتحسب بطريقتين.. المسافة أو الوقت.. أيهما أقرب.

مش ضمان العربية بيتحسب بالمسافة أو الوقت... الصيانة زيها بالضبط.

عموما.. بالنسبة للناس اللي بتمشي مسافات قصيرة زي حضرتك.. فالزيوت المعدنية بشكل عام لازم تتغير كل 6 شهور. .. والزيوت التخليقية بتتغير كل سنة (ومش كل الزيوت التخليقية كمان... فيه بعضها بيتغير كل 6 شهور بردو).

الزيوت التخليقية هي اللي الناس بيسموها زيوت 10000.

يا ريت تدينا فكرة عن طبيعة المشاوير علشان نساعدك أكتر...
يعني العربية بتتركن كتير ولا المشاوير نفسها قصيرة ومتكررة؟
ولا العربية لما بتشتغل .. فيه ناس كتير بتركب فيها ولا واحد أو انتين وخلاص؟

الحاجات دي كمان بتفرق.


أنصحك تعدي على الموضوع ده لو عايز تعرف معلومات زيادة

http://www.nilemotors.net/Nile/341680-a.html

ونصيحة من القلب... اقرا الموضوع ده:

http://www.nilemotors.net/Nile/434256-a.html