أسقط موتور إنجكشن بدل الموتور الكربراتير

**Lawyer Ahmed** · 14-01-2016 06:34 AM

السلام عليكم و رحمة الله وبركاته
أولا أحب اشكر القائمين ع المنتدي العظيم ده و أشكر كل واحد بيشارك فيه بجدية لمنفعة الناس و مساعدتهم بدون أي مصلحة شخصية كتير استفدت من المنتدي الجميل ده من غير ما أشارك لأن دايما كنت بلاقي الإجابة فيه من غير ما أطرح السؤال ماشاء الله المنتدي ملئ بالإعضاء أصحاب الخبرة و الأن عندي مشكلة محتاج المشورة فيها وبسرعة بقدر الإمكان و المشكلة هي
عربيتي حبيبتي جابت موتور وانا بإذن الله قررت اغير الموتور و اريح دماغي بدل ما كل ميكانيكي يقولي رأي او تقعد تفتح معايا و في الأخر يبقي اسمها عمرة بردو و يا عالم هاتكون كويسة ولا لأ
التردد الي انا فيه بخصوص ان العربية اصلا موتورها كربراتير و انا ادامي موتور من نفس الماركة وأحدث عشر سنين بحالهم بس هو إنجكشن و بصراحة انا نفسي اعدل للإنجكشن و كمان عشان احدث . كده كده هادفع فلوس فأيه هو رأي حضرتكم بخصوص الامور المهمة والواجب تعديلها عشان اركب الموتور الانجكشن الميكانيكيى بتاعي وانا بثق في كلامه قالي انا بالنسبة ليا معنديش مشكلة سواء كان كربراتير او انجكشن هاركبهولك بس شوف الكهربائي الي هايشغلهولك و يعدلك ومع العلم بردو الموتور ده بإذن الله بأدوات التغذية و احتمال اخد الفتيس هو كمان عربيتي اوتوماتيك
فالتساؤل هو :
1ـ التعديل ممكن ولا لأ مع العلم هو نفس الماركة ونفس القواعد .
2 ـ ايه الحاجات الي اخلي بالي منها وانا بجيب الموتور الجديد او بعاينه .
3 ـ ايه التعديلات المهمة الي لازم اعملها فيه ناس بتقولي تغير التانك و ناس بتقولي لا هاتغير دفيرة العربية وناس تقولي الموتور بيجي بدفيرته والكنترول بتاعه و الكمبيوتر لكن هاتعدل كهرباء التابلوه .
4 ـ وايه الحاجات الي المفروض تبقي من ضمن أدوات التغذية الي البائع قالي هاتاخده بأدوات التغذية .
5 ـ الأفضل أخده بالفتيس علي بعضه ولأ لأ الفتيس بتاعي كويس بس انا شايف ان مش كل شوية الواحد بيفك ويعمل قصة كبيرة ذي ديه و ثانيا الميكانيكي قالي الفتيس بتاعي معقول لكن بدأ يبقي فيه عضة وبيقولي لو تقدر تجيب الفتيس بالمرة يبقي أفضل .
واخيرا لو اي حد من الاعضاء الافاضل شاف نصيحة مهمة انا مش واخد بالي منها يقولها .
و اخيرا بشكركم من كل قلبي سواء جاوبتوني أو لأ انا كتير استفدت من حضراتكم
أخوكم
أحمد عبد الله الملاح
المحامي
بالإستئناف العالي و مجلس الدولة
01222866698

**pepo2011** · 14-01-2016 09:13 AM

لازم تجيب ماتور بفتيسه بدفيرتة بكنتروله بالعداد لو مختلف لانك هاتلاقي اختلاف في الوظائف ولمبات مش شغالة طبعا عندك
ثانيا لااااااازم تشوف الكهربائي الاول انه لازم كهربائي متخصص وخبرة في الاموضوع ده مش اي كهربائي

**Lawyer Ahmed** · 14-01-2016 07:24 PM

ربنا يجزيك الف خير يا فندم ع اهتمامك بالرد وبالنسبة لبقية التساؤلات حضرتك عندك اي إجابة عن اي منها
و بشكرك جدا

**pepo2011** · 17-01-2016 07:51 AM

المشاركة الأصلية كتبت بواسطة lawyer ahmed

ربنا يجزيك الف خير يا فندم ع اهتمامك بالرد وبالنسبة لبقية التساؤلات حضرتك عندك اي إجابة عن اي منها
و بشكرك جدا

الشكر لله اخي العزيز بس اغنا مش شايف اي اسئلة تاني غير مفهومة لحضرتك اجابتي تشمل كل شيء حضرتك هاتجيب ماتور وبيبقي كامل طبعا بالدفيرة والكنترولات وادوات التغذية طبعا والفتيس

بس الموضوع مكلف وهايصرف لانك عاوز ميكانيكي وكهربائي وطبعا هاياخد وقت واحتمال تغير تابلوه لان اكيد الماتور الجديد الانجكشن فيه امكانيات ولمبات مش موجوده في الماتور القديم فاحتمال تغير تابلوة

واحنا تحت امرك

**Lawyer Ahmed** · 17-01-2016 05:50 PM

الله يجزيك الف خير و بالنسبة للتساؤل الي مش واضح هو المقصدو في بند 2 و بند 4 اقصد بيهم بالنسبة للموتور الاستيراد بصفة عامة سواء كان انجكشن او كربراتير وبالنسبة لموضوع مكلف معاك كل الحق انا نزلت امبارح اتفرجت علي موتورين . المشكلة الاكبر بقي غير التكلفة ان فعلا مش اي حد في مصر يعرف يعمل الشغل ده ... يا اخي والله الواحد مستغرب ما بقاش فيه صنايعية في مصر بيفهمو اصلا مع اني علي الرغم اني راجل قانون مش ميكانيكي بس شايف ان اي عربية ممكن التعامل معاها وعمل كل حاجة فيها بس حال الميكانيكية عندنا والصناعيية بصفة عامة قمة في الفشل انا بشوف شغل في عربيات علي اليوتيوب امريكان طبعا ناس فعلا بيشتغلو في العربيات بناء علي علم وممكن يخلو العربية بتعديلات تبقي احسن من المصنع الي صنعها نفسه
والتجار ما عندهمش ضمير يعني انا رحت مثلا لواحد المفروض ان الناس كلها بتقول عليه محترم بس بصراحة اخوه هو الي قابلني الراجل في التليفون قايلي ان عنده ثلاث مواتير و انهم نفس ماركة عربيتي لاني بحب العربية تبقي علي كل حاجة استاندرد ليها ما بحبش اعك فيها و قالي ان المواتير بأدوات التغذية بتاعتهم كاملة و بكمبروسر التكيف و انا قلت لنفسي خلاص لو كده اخده بالفتيس كمان عشان تبقي حاجة علي بعضها من مصنعها ولما رحت لاقيت المواتير هما موتورين الي عنده و مش كل اداوات التغذية معاهم فيه موتور منهم لاقيت معاه العمة و الدينمو بس و كمان مش نوع ماركة العربية ديه ماركة تانية و كمان هاف انجشكشن مش انجكشن ذي ما كان بيقولي في التليفون و مش كده وبس لا ده الفتيس مش معاه ده هايوفقهولي حاجة بايخة اوي الناس ما بقاش عندها امانة في التعامل خالص كنت واخد واحد صاحبي وواخد ميكانيكي معانا صاحبي بيقولي الراجل قالك كده في التليفون عشان يجر رجلك بس .. تخيل !!

**pepo2011** · 18-01-2016 07:56 AM

المشاركة الأصلية كتبت بواسطة lawyer ahmed

الله يجزيك الف خير و بالنسبة للتساؤل الي مش واضح هو المقصدو في بند 2 و بند 4 اقصد بيهم بالنسبة للموتور الاستيراد بصفة عامة سواء كان انجكشن او كربراتير وبالنسبة لموضوع مكلف معاك كل الحق انا نزلت امبارح اتفرجت علي موتورين . المشكلة الاكبر بقي غير التكلفة ان فعلا مش اي حد في مصر يعرف يعمل الشغل ده ... يا اخي والله الواحد مستغرب ما بقاش فيه صنايعية في مصر بيفهمو اصلا مع اني علي الرغم اني راجل قانون مش ميكانيكي بس شايف ان اي عربية ممكن التعامل معاها وعمل كل حاجة فيها بس حال الميكانيكية عندنا والصناعيية بصفة عامة قمة في الفشل انا بشوف شغل في عربيات علي اليوتيوب امريكان طبعا ناس فعلا بيشتغلو في العربيات بناء علي علم وممكن يخلو العربية بتعديلات تبقي احسن من المصنع الي صنعها نفسه
والتجار ما عندهمش ضمير يعني انا رحت مثلا لواحد المفروض ان الناس كلها بتقول عليه محترم بس بصراحة اخوه هو الي قابلني الراجل في التليفون قايلي ان عنده ثلاث مواتير و انهم نفس ماركة عربيتي لاني بحب العربية تبقي علي كل حاجة استاندرد ليها ما بحبش اعك فيها و قالي ان المواتير بأدوات التغذية بتاعتهم كاملة و بكمبروسر التكيف و انا قلت لنفسي خلاص لو كده اخده بالفتيس كمان عشان تبقي حاجة علي بعضها من مصنعها ولما رحت لاقيت المواتير هما موتورين الي عنده و مش كل اداوات التغذية معاهم فيه موتور منهم لاقيت معاه العمة و الدينمو بس و كمان مش نوع ماركة العربية ديه ماركة تانية و كمان هاف انجشكشن مش انجكشن ذي ما كان بيقولي في التليفون و مش كده وبس لا ده الفتيس مش معاه ده هايوفقهولي حاجة بايخة اوي الناس ما بقاش عندها امانة في التعامل خالص كنت واخد واحد صاحبي وواخد ميكانيكي معانا صاحبي بيقولي الراجل قالك كده في التليفون عشان يجر رجلك بس .. تخيل !!

طيعا حضرتك هو ده العادي بتاع التجار والصنايعية
الصنايعي اللي فاهم كويس وعنده ضمير فعلا قليل ولو لقيته هتلاقيه غالي شوية عشان كده الصنعة باااااظت والزبون هو اللي بيتعب ويدوخ نصيحتي لحضرتك اوعي تستعجل وتجيب اي حاجة من اي حد او تسترخص وبلاش موضوع نوفقهولك حاجة علي حاجة انسي الخواجة مش عبيط ولا المصريين انصح من الخواجة طبعا

ولو حضرتك احتجت اي حاجة انا تحت امرك

**pepo2011** · 18-01-2016 07:57 AM

وبعدين حضرتك كنت قلت ان الماتور جاهز قدام حضرتك
راح فين؟؟

**Lawyer Ahmed** · 18-01-2016 07:58 PM

حصل فعلا وقلت كده انا قلت كده بناء علي كلام التاجر ليا في التليفون لانه قالي عندي ثلاث مواتير واحد انجكشن و اتنين كربراتير نفس ماركة العربية ولانه الناس كلها بتشكر فيه و كمان هو دكتور جامعة ما تخيلتش انه ممكن يكدب فكنت رايح علي اساس الحاجة موجودة ذي ما قالي بالظبط فعشان كده قلت خلاص ما اغير للانجكشن و دخلت اسئل حضراتكم عن فكرة التعديل قبل ما روح

**Colin Chapman** · 19-01-2016 05:06 AM

المشاركة الأصلية كتبت بواسطة Lawyer Ahmed

حصل فعلا وقلت كده انا قلت كده بناء علي كلام التاجر ليا في التليفون لانه قالي عندي ثلاث مواتير واحد انجكشن و اتنين كربراتير نفس ماركة العربية ولانه الناس كلها بتشكر فيه و كمان هو دكتور جامعة ما تخيلتش انه ممكن يكدب فكنت رايح علي اساس الحاجة موجودة ذي ما قالي بالظبط فعشان كده قلت خلاص ما اغير للانجكشن و دخلت اسئل حضراتكم عن فكرة التعديل قبل ما روح

http://www.nilemotors.net/Nile/480897-a.html