سؤال لاهل الخبرة في 128

**م أحمد** · 11-01-2016 01:28 PM

المشاركة الأصلية كتبت بواسطة ahmed29

بس بعد يومين تجربة لقيت دخنة بيضة بتطلع من الشكمان لما بدوس بنزين ومعاها مية
وخرطوم العمة مفيهوش حاجة ولا نفخ ولا حاجة

لو الدخنة لحظة تسخين الموتور خاصة وقت الصباح دا دليل كفاءة للموتور و بتختفى لما الموتور و الشكمان يسخنو

لو الدخنة مستمرة طوال الوقت بعد مشوار نص ساعة مثلا دا كدا جوان وش سلندر و الدليل عليه هتلاقى المياه تنقص من المبرد و مياه المبرد زى الطحينة و لما تكبس بنزين تلاقى فقاقيع هوا فى المبرد و البوجيهات هتلاقى عليها آثار صدأ لو فكيتها و مش هيكلفك كتير

**م أحمد** · 11-01-2016 01:30 PM

المشاركة الأصلية كتبت بواسطة ahmed29

في صديق قالي انه ممكن يكون جلد صباب ناشف
وقالي على وصفة كدة اعمل مشوار يسخن العربية وبعد كدة اجيب ربع كيلو زيت
وافك العمة وابتدي احط شوية شوية زيت في الكاربيراتير واضغط بنزين جامد لحد مخلص الزيت الي معايا ولحد مالدخنة الي موجودة في الشكمان تروح خالص
وبعد كدة اغير البوجيهات بغيرها جديد وبالطريقة دي يبقى نزل زيت في الغرفة ولو شنبر لازق هيفك ولو جلد ناشف هيطرى
هل دي فكرة سليمة ؟
معلش بقا انا مطلول عليكم

وبعدين في سؤال تاني
هو لما بتكون العربية في وضع المور بدون غيرات وارفع العجل في عجلة بتلف وفي عجلة بلقيها قافشة وبتحرك الموتور هل ده طبيعي

دا طبيعى و ممكن تجيب الغيار الخامس كمان والعربية ثابتة بس تكون عجلة مرفوعة و عجلة ثابتة من العجل الامامى

**م أحمد** · 11-01-2016 01:33 PM

المشاركة الأصلية كتبت بواسطة ahmed29

امبارح وانا ماشي بالعربية لقيت زي صوت خروشة كدة بس مش عارف في الفتيس ولا العجل بس انا حاسس انه من الفتيس ولما بدوس دبرياج برضه موجود ولما بمور برده موجود

أرفع عجلة عجلة بالكوريك و لفها بايدك لو لقيت صوت خشانة او العجلة بتخرج و تدخل فى اتجاه عمودى على العجل يبقى بلية عجل

او صامولة الكوبلن محتاجة تقريط

**ahmed29** · 11-01-2016 06:48 PM

انا بشكرك جدا جدا يا باشمهندس أحمد على مرورك واهتمامك
بس هي العربية مش بتسخن ولا بتاكل مية ولا في لون طحيني في المية
وبعدين ببص النهاردة الصبح لقيت ان الاسبراتير الميكانيكي مش رابطه كويس بيلف بالايد فهل ممكن يكون اخر سنة او قدم سنة عملت موضوع الدخنة ده

**ahmed29** · 11-01-2016 06:50 PM

المشاركة الأصلية كتبت بواسطة mecha

غالبا سيور
الفتيس مع التموير بختفي صوته

يعني افهم من كدة ان الفتيس في وضع المور ملوش اي صوت خالص في العربية

**م أحمد** · 11-01-2016 08:45 PM

المشاركة الأصلية كتبت بواسطة ahmed29

انا بشكرك جدا جدا يا باشمهندس أحمد على مرورك واهتمامك
بس هي العربية مش بتسخن ولا بتاكل مية ولا في لون طحيني في المية
وبعدين ببص النهاردة الصبح لقيت ان الاسبراتير الميكانيكي مش رابطه كويس بيلف بالايد فهل ممكن يكون اخر سنة او قدم سنة عملت موضوع الدخنة ده

لازم الاسبراتير يتربط كويس بمفتاح 13 للصامولة المستخبية تحت الاسبراتير و الاهم من كدة يتظبط هو و الكاربراتير على الشعرة و الا المكنة هتتبهدل

روح للميكانيكى افضل