الموضوع: عطل مفاجئ في البور

لقد ذكر الكثيريين في كلامهم عن تلك المشكلة مكان يسمى عزبة شلبي فاين هى و لمن اذهب ؟؟؟؟؟؟؟؟؟؟؟؟؟؟؟؟؟؟؟

سيدى الفاضل نصيحة لوجه الله بصفتى مالك قديم للبونتو
حصل معايا نفس اللى حصل معاك بالظبط والباور فصل ولمبة الدريكسيون الحمرا نورت فالتابلوه
نفس الكلام سمعته ان كده باى باى الباور تلف ولازم اغير قطمة الباور وبتعمل حوالى 1500 الى 3000 جنيه
طبعا انا كان هيجيلى جالطة وشلل رباعى من الرقم ولكن لم استسلم عملت ايه ؟؟؟؟؟؟؟؟
الباور ما هو الا ماتور كهربائى عبيط جدا ولافيه اى اختراعات او تعقيد زى اى ماتور فى اى جهاز كهرباء
فكيت ماتور الباور بنفسى من تحت الدريكسيون ورحت بيه لمحل صيانة الكترونيات تصليح كاسيت وسماعات واجهزة تليفزيون
فتح الماتور واشتغل فيه شوية بمكنة الحام وكانت المفاجة ان الباور اشتغل والتكلفة عبيط جدا ولا اى حاجة جنب ثمن القطمة وفضل شغال الباور زى الفل لحد مبيعت العربية
بص عشان تكون عارف الباور عبارة عن ماتور صغير اللى انا اشتغلت فيه بالاضافة الى كارته باور جنب الماتور
بس انا اشتغلت فالماتور بس ولكن مقربتش للكارتة عشان الكارته دى مفهاش لعب خالص
ولكن عشان الوضوح برضو مش بالضرورة ان ممكن انت تعمل اللى انا عملته فالباور يشتغل معاك مش شرط ولكن انا قولت لنفسى كده كده بايظة فأحاول ومش هخسر حاجة
انا بنصحك تفك الباور وتحاول تعمل زى ما اقولتلك وتشوف النتيجة لان مهما لفيت عند اى صنايعى مش هتلاقى صنايعى هيقولك الباور بيتصلح هيقولك علطول غير
شوف كده وانا معاك

حاول كده وربنا معاك وانشاء الله تعبك يكون بفايده والباور يشتغل من جديد واى استفسار انا تحت امر
وربنا ينجيك من جشع وطمع التجار والتوكيل النصاب

ساعات البور بيروح لو الكهرباء ضعفت لضعف البطارية او الديناموز حصلت معايا في الجراند و غيرت الدينامو
شيك علي الاثنين دول الاول

[b]اشكرك جدا و بشدة على هذه المعلومة المهمة

فعالا قد ذهبت إلى منطقة الإسكان ببورسعيد كما تسمى وبهى مستوردي كل قطع الغيار و بالفعل وقفت عند كهربائ يعرفونه اغلبهم و يثقون فيه و يقول انه قام بتركيب هذا الجزء اكثر من مرة في اكثر من سيارة و قد قمت بتجربة 4 قطع اي 4 قطمات اي 4 مواتيير بالكنترول بتاعهم ولم تستجب السيارة لاي منهم وكانوا من عند تجار مختلفيين
و لم اجد تفسيير لهذا الا ان بعض الاصدقاء قال انه يجب ان يكون الموتور و الباور من نفس موديل السيارة في حين ان ما قد تم تجرته في سيارتي موديل 2008 غالبيتهم من شكل الطارة يكونوا موديل 2003 تقريبا [/b]